Mh-board-10th-ssc-result-2024 : राज्याचा दहावीचा निकाल 95.81 टक्के: यंदाही कोकण विभाग अव्वल, नागपूर विभाग सर्वात मागे

भारतीय अलंकार न्यूज 24

पुणे: महाराष्ट्र राज्य माध्यमिक व उच्च माध्यमिक शिक्षण मंडळाने आज इयत्ता दहावीच्या निकालाची एकूण टक्केवारी जाहीर केली आहे. यंदा दहावीचा एकूण निकाल 95.81 टक्के लागला आहे. सर्वाधिक निकाल कोकण विभागाचा 99.1% असून, सर्वात कमी निकाल  नागपूर विभागाचा लागला आहे.

राज्य शिक्षण मंडळाच्या पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर आणि कोकण या नऊ विभागीय मंडळांमार्फत दहावीची परीक्षा 1 ते 26 मार्च  कालावधीमध्ये घेतली होती.

दहावीच्या निकालात यावर्षी देखील मुलींनीच बाजी मारली आहे. विभागनिहाय निकालाची एकूण टक्केवारी मंडळामार्फत जाहीर केली आली.तर  महाराष्ट्र राज्य माध्यमिक व उच्च माध्यमिक शिक्षण मंडळातर्फे दहावीचा निकाल आज दुपारी 1 वाजता बोर्डाच्या अधिकृत संकेतस्थळावर ऑनलाईन पद्धतीने जाहीर करण्यात येणार आहे.

यावर्षी दहावीच्या परीक्षेसाठी 23 हजार 272 शाळांमधून 16 लाख 9 हजार 445 विद्यार्थ्यांनी नोंदणी केली होती. त्यामध्ये एकूण 8 लाख 59 हजार 478 विद्यार्थी, 7 लाख 49 हजार 911 विद्यार्थिनी आणि 56 तृतीयपंथी आहेत. राज्यातील एकूण 5 हजार 86 मुख्य केंद्रांवर ही दहावीची परीक्षा पार पडली,अशी माहिती मंडळाने दिली आहे.

विभाग निहाय निकाल टक्केवारी 

पुणे :               96.44 टक्के 

नागपूर :           94.73 टक्के 

संभाजीनगर :     95.19 टक्के 

मुंबई :                95.83 टक्के 

कोल्हापूर :           97.45 टक्के 

अमरावती :          95.58 टक्के 

नाशिक :              95.28  टक्के 

लातूर :                 95.27 टक्के 

कोकण :               99.01  टक्के

या संकेतस्थळावर पाहा निकाल 

https://mahresult.nic.in

http://sscresult.mkcl.org

https://sscresult.mahahsscboard.in

https://results.digilocker.gov.in