upsc-exam-lok-sabha-election: लोकसभा निवडणूकीमुळे UPSC परीक्षा स्थगित

भारतीय अलंकार न्यूज 24

नवी दिल्ली:  केंद्रीय लोकसेवा आयोग कडून आयोजित केली जाणारी नागरी सेवा परीक्षाची प्रीलिम्स आणि इंडियन फॉरेस्ट सर्विसची प्रीलिम्स परीक्षा लोकसभा निवडणुकीमुळे स्थगित करण्यात आली आहे. याबाबतची सूचना केंद्रीय लोकसेवा आयोगाने जारी केली आहे. यापूर्वी ही परीक्षा 26 मे 2024 रोजी होणार होती, आता ही परीक्षा लोकसभा निवडणुकीनंतर 16 जून रोजी घेतली जाणार आहे. देशात एप्रिल ते जून 2024 या कालावधीत 18 व्या लोकसभेच्या निवडणुक होणार आहेत. अशा परिस्थितीत ही परीक्षा पुढे ढकलण्याचा निर्णय घेण्यात आला आहे. 

केंद्रीय लोकसेवा आयोगाने आपल्या नोटिस मध्ये नमूद केले आहे की, देशातील सार्वत्रिक निवडणुकांचा कार्यक्रम जाहीर झाल्यामुळे आयोगाने सिविल सर्विस (प्रीलिम्स) परीक्षा आणि इंडियन फॉरेस्ट सर्विसची प्रीलिम्स 2024 स्थगित करण्याचा निर्णय घेतला आहे. 

photo :(X)

केंद्रीय लोकसेवा आयोगाने 14 फेब्रुवारी रोजी नागरी सेवा परीक्षेच्या पूर्वपरीक्षेसाठी अधिसूचना जारी केली होती. नोटीसमध्ये आयोगाने परीक्षेची तारीख 26 मे दिली होती. आता निवडणुकांच्या पार्श्वभूमीवर UPSC ने तारीख बदलली आहे. आता ही परीक्षा 16 जून 2024 रोजी होणार आहे. उमेदवारांना प्रवेशपत्र आणि परीक्षेचे इतर नियम आणि नियमांची माहिती वेळेत दिली जाईल.