political-clash-bjp-shiv-sena-: अकोला महापालिकेत पुन्हा राजकीय खडाजंगी! बॅनरबाजीपासून आरोप-प्रत्यारोपांपर्यंत वाद चिघळला

ठळक मुद्दा

स्थायी समिती सभापती विजय अग्रवाल यांचा गंभीर आरोप; शिवसेना नगरसेवक सागर भारुका यांच्यावर मद्यप्राशन करून गोंधळ घातल्याचा दावा

भारतीय अलंकार न्यूज 24

नीलिमा शिंगणे जगड 

अकोला :राज्यात भारतीय जनता पक्ष आणि शिवसेना (एकनाथ शिंदे गट) यांच्यात “ऑल इज वेल” असल्याचं चित्र दिसत असलं, तरी अकोला महापालिकेत मात्र अंतर्गत वाद उफाळून आला आहे.

काही दिवसांपूर्वी स्थायी समितीच्या सभेत सुरू झालेला वाद आता थेट महापालिकेच्या आवारात पोहोचला असून, वातावरण तापलं आहे.

वादाची ठिणगी ते मोठा संघर्ष

स्थायी समितीच्या सभेतच सभापती विजय अग्रवाल (भाजप) आणि नगरसेवक सागर भारुका (शिवसेना शिंदे पक्ष) यांच्यात जोरदार शाब्दिक वाद झाला होता

हा वाद पुढे बॅनरबाजीपर्यंत पोहोचल्याने राजकीय वातावरण ढवळून निघाले. सागर भारुका यांच्या समर्थकांनी शहरातील मुख्य रस्त्यावर बॅनरबाजी  केल्याने आज महापालिकेच्या आवारात पुन्हा तणाव निर्माण झाला होता.

अग्रवाल यांचे गंभीर आरोप

सागर भारुका यांनी मद्यप्राशन करून शिवीगाळ केली. 

विचारणा केल्यावर त्यांनी अंगावर धावून येण्याचा प्रयत्न केला.

घटनेमुळे महापालिकेच्या परिसरात काही काळ तणावाचे वातावरण.

दरम्यान, या प्रकरणाला आता नवं वळण मिळालं आहे. विजय अग्रवाल यांनी आरोप केला आहे की, आज महापालिकेच्या आवारात सागर भारुका हे मद्यप्राशन करून शिवीगाळ करत होते. आपण त्यांना शिवीगाळ कोणाला करत आहात, असा जाब विचारला असता त्यांनी अंगावर धावून येण्याचा प्रयत्न केल्याचा आरोप अग्रवाल यांनी केला आहे.

पोलिस तक्रारीची तयारी

विजय अग्रवाल यांनी या प्रकरणी पोलिसांत तक्रार दाखल करणार असल्याची माहिती दिली आहे. त्यामुळे हा वाद आता राजकीय पातळीवरून कायदेशीर पातळीवर जाण्याची शक्यता आहे.

राजकीय परिणाम काय?

अकोला महापालिकेतील हा वाद सत्ताधारी आघाडीतल्या अंतर्गत मतभेदांना उघड करत असून, आगामी काळात याचे राजकीय परिणाम दिसण्याची शक्यता नाकारता येत नाही.

ठळक मुद्दे (News Highlights)

महापालिकेत पुन्हा भाजप-शिवसेना वाद उफाळला

अग्रवाल-भारुका यांच्यातील संघर्ष तीव्र

मद्यप्राशन व गैरवर्तनाचे गंभीर आरोप

पोलिस तक्रारीची शक्यता

राजकीय वातावरण तापले