maharashtra-politics-ajit-pawar :अकोट प्रचार सभा : ‘संविधान दिना’च्या शुभेच्छांसह अजित पवारांची विकासाची ग्वाही

राष्ट्रवादीच्या विजयाने अकोट–अकोला जिल्ह्याचा ‘कायापालट’ होईल : उपमुख्यमंत्री अजित पवार

भारतीय अलंकार न्यूज 24

नीलिमा शिंगणे जगड 

अकोला: जिल्ह्यातील नगरपरिषद सार्वत्रिक निवडणुकांच्या पार्श्वभूमीवर आयोजित प्रचार सभेत आज सकाळी अकोट येथे उपमुख्यमंत्री तथा राष्ट्रवादी काँग्रेस पक्षाचे अध्यक्ष अजित पवार यांनी पदाधिकारी, कार्यकर्ते व नागरिकांना मार्गदर्शन करताना भारतीय संविधान दिनाच्या हार्दिक शुभेच्छा दिल्या.

डॉ. बाबासाहेब आंबेडकरांनी दिलेलं जगातील सर्वोत्तम संविधान भारतीयांना लाभलं असून, याबद्दल कृतज्ञता व्यक्त करत त्यांनी शिव–शाहू–फुले–आंबेडकर यांच्या विचारधारेनं सर्व समाजाला सोबत घेऊन चालणं हा महाराष्ट्राचा वारसा असल्याचं स्पष्ट केलं.

सभेतील ठळक मुद्दे

सर्वसमावेशक विकासाची हमी

अकोट शहरातील रस्ते, पाणीपुरवठा, ड्रेनेज, सफाई, बाजार व्यवस्थापन, मैदानं, उद्याने यामध्ये मोठ्या प्रमाणात सुधारणा करण्याची गरज असल्याचे पवार म्हणाले.

“शहरात अंधार, बकालपणा किंवा अस्वच्छता नसावी. स्वच्छता म्हणजे सेवा—संत गाडगेबाबा व संत तुकडोजींच्या शिकवणीवर चालायचं आहे,” असे त्यांनी सांगितलं.

शेतकरी हा माझा परिवार — तत्काळ मदतीची ग्वाही

शेतकरी अडचणीत असला तर महाराष्ट्र अडचणीत येतो.

अतिवृष्टी किंवा नैसर्गिक संकटात सरकारनं तातडीने मदत दिली असून, शेतकऱ्यांच्या प्रश्नांवर संवेदनशीलतेने निर्णय घेत असल्याचे पवारांनी नमूद केले.

जाती–धर्मात एकोपा राखणे हे आमचे ध्येय

महाराष्ट्राच्या सामाजिक ऐक्याची परंपरा राष्ट्रवादी काँग्रेस पक्ष कटाक्षाने पाळत असल्याचे त्यांनी सांगितले.

सत्ता लोकांच्या प्रश्नांसाठी वापरली पाहिजे आणि तेच आम्ही करत आलो आहोत, असा त्यांनी पुनरुच्चार केला.

अधिकृत उमेदवारांवर विश्वास ठेवण्याचं आवाहन

अकोला जिल्ह्यातील अधिकृत उमेदवार विजयी झाल्यास विकासकामांचा वेग वाढेल, असा विश्वास पवारांनी व्यक्त केला.

उमेदवारांची नावे :

गाजिया बानो बदरुज्जमा – अकोट

आंचल ओंकारे – हिवरखेड

कृष्णराव गावंडे – मूर्तीजापूर

राजकन्या पवार – तेल्हारा

हे सर्व उमेदवार सक्षम, जनसेवेस तत्पर असून सर्व समाजघटकांना सोबत घेऊन सर्वांगीण विकास साधतील, असे ते म्हणाले.

‘घड्याळ’ आणि ‘धनुष्यबाण’ बटण दाबण्याचं आवाहन

मतदारांनी राष्ट्रवादी काँग्रेसच्या अधिकृत चिन्हावर मतदान करून नगरपालिका आमच्याकडे सोपवल्यास अकोट तालुका व अकोला जिल्ह्याचा कायापालट नक्कीच होईल, अशी खात्री पवारांनी दिली.

News Keywords 

Akola News, Akot, Ajit Pawar, NCP, Constitution Day, Maharashtra Politics, Nagar Parishad Election, Development Agenda, Public Meeting, Local Elections 2025, Akola Updates, Political Rally