election2025-bjp-political-mh: बंडाचा झेंडा हाती घेणाऱ्यांना भाजपने दाखविला घरचा रस्ता ; अकोट, तेल्हारा, बाळापूर येथील बंडखोर सहा वर्षांसाठी निलंबित

भारतीय अलंकार न्यूज 24

नीलिमा शिंगणे जगड 

अकोला: नगरपरिषद, नगरपंचायत निवडणुकीला आता वेग आला असून, राजकीय पक्षांनी विजयासाठी मोर्चे बांधणी सुरू केली आहे. मात्र या सर्वांमध्ये विघ्न आणू पाहणाऱ्या स्वपक्षातीलच नाराज पदाधिकारी कार्यकर्ते पक्षविरोधी काम करताना दिसत आहेत. अश्या बंडखोर कार्यकर्ते पदाधिकारी यांचे विरुद्ध भारतीय जनता पक्षाने आक्रमक भूमिका घेत थेट सहा वर्षासाठी निलंबित केले आहे. यामध्ये अकोट, तेल्हारा,बाळापूर काही भाजप पदाधिकारी कार्यकर्ते यांनी बंडाचा झेंडा हाती घेतल्याने त्यांची पक्षातून सहा वर्षांसाठी हकालपट्टी करण्यात आली आहे 

भारतीय जनता पक्षाची जिल्हाध्यक्ष संतोष शिवरकर यांनी भारतीय जनता पक्षाच्या विरोधात कार्य करणाऱ्या  विविध पदावर कार्यरत पदाधिकारी आणि कार्यकर्त्यांना सहा वर्षासाठी निलंबित केले असून, त्यांची हकालपट्टी केली आहे. यापुढे पक्षाच्या नावाचा वापर त्यांनी करू नये, असा इशारा दिला आहे. 

भारतीय जनता पार्टीचे अधिकृत उमेदवार विरुद्ध उमेदवारी दाखल केलेल्या व पक्ष विरोधी कार्यकरणाऱ्या पदाधिकाऱ्यांची पक्षातुन हकालपट्टी प्रदेश भाजपा अध्यक्ष आमदार रवींद्र चव्हाण यांनी दिलेल्या अधिकारानुसार, निवडणूक काळामध्ये पक्षाच्या विरोधात काम करणाऱ्या तेल्हारा येथील पदाधिकाऱ्यांची हकालपट्टी केली आहे पक्षाच्या नावाचा त्यांनी गैरवापर करू नये व मतदारांमध्ये निर्माण करण्याचा प्रयत्न होत असून गैरसमज निर्माण न करता भारतीय जनता पक्षाच्या अधिकृत कमल चिन्हावर असलेले उभे असलेले उमेदवारांना मतदान करण्याचे आवाहन भाजपा जिल्हाध्यक्ष संतोष शिवरकर यांनी केले.

तेल्हारा नगर परिषद निवडणुक  नोव्हेंबर 2025 मध्ये भारतीय जनता पार्टीचे अधिकृत उमेदवारांचे विरुद्ध उमेदवार म्हणुन निवडणुक लढवीत असलेले व पक्ष विरोधी कार्यवाही करत असलेले भाजपाचे पदाधिकारी 

अनुप मार्के – माजी कार्यकारिणी सदस्य तथा स्वीकृत सदस्य

योगेश विचे – ओबीसी मंडल सदस्य

अमित अग्रवाल – मंडल कार्यकारिणी सदस्य

सुनिल भुजबळे – माजी शहर अध्यक्ष

महेश सिसोदिया – मंडल सदस्य

सुनिल राठोड – सदस्य – न.प.

लता श्रीकृष्ण पोहरकार

श्रीकृष्ण टाले

यांना सहा वर्षांसाठी पक्षातून काढून टाकले आहे.

बाळापूर

बाळापुर नगर परिषद निवडणुक  नोव्हेंबर 2025 मध्ये होऊ घातली असुन सदर निवडणुकी मध्ये भारतीय जनता पार्टीचे अधिकृत उमेदवारांचे विरुद्ध प्रचार / कट कारस्थान पक्ष विरोधी कार्यवाही करत असलेले भाजपाचे पदाधिकारी. 

शामराव शेलार - माजी जेष्ठ आघाडी अध्यक्ष

रमेश लोहकरे - माजी मंडळ अध्यक्ष 

 

गजानन खारोडे - माजी जिल्हा सदस्य 

बंडू यादगिरे - माजी मंडळ सदस्य 

मोहन धरमठोक - माजी मंडळ सदस्य

यांची भारतीय जनता पार्टी मधून 6 वर्षा करिता हकालपट्टी करण्यात आली असून, पुढील 6 वर्षा मध्ये यापैकी कोणालाही बैठकीचा निरोप दिल्या जाणार नाही व कोणत्याही निवडणूक संबधित हकालपट्टी केलेल्या व्यक्तींचा काहीही संबंध राहणार नाही.

अकोट 

अकोट येथील प्रभाग क्र. 12 मधील बंडखोरांवार कारवाई करून तीन जणांना सहा वर्षासाठी सदस्य रद्द करून त्यांची पक्षातून हकालपट्टी केली आहे.

  

अकोट नगर परिषद सार्वत्रिक निवडणुक 2025 भारतीय जनता पक्षाने प्रभाग क्र. 12 (अ) मधुन शुभांगी प्रदीप टेमझरे व (ब) मधुन निलेश दिलीप नवघरे यांना अधिकृत उमेदवारी दिली आहे. त्यांच्या विरोधात भाजप युवा मोर्चाचे जिल्हा पदाधिकारी सागर पुरुषोत्तम बोरोडे यांनी त्यांची पत्नी महिमा सागर बोरोडे, शहर उपाध्यक्ष  सागर त्र्यंबकराव उकंडे यांनी त्यांच्या पत्नी रुपाली सागर उकंडे यांना अपक्ष म्हणुन रिंगणात उतरविले आहे. तर अल्पसंख्याक मोर्चाचे शहर अध्यक्ष वकिलोद्दीन रियाजोद्दीन यांनी सुद्धा (ब) गटात उबाठा कडून उमेदवारी घेत भाजपा अधिकृत उमेदवारांच्या विरोधात बंडखोरी केली आहे. बंडखोरांवर कारवाई करण्याकरिता प्रभागातील भाजपा उमेदवारांनी या संदर्भात पत्र दिले आहे. बंडखोर अपक्ष उभे राहिल्याने ते मतदारामध्ये सभ्रम पसरवित आहे. त्यामुळे अकोला जिल्हा भाजपाचे युवा मोर्चा पदाधिकारी सागर  बोरोडे, अकोट शहर भाजपा उपाध्यक्ष सागर उकंडे, अकोट शहर अल्पसंख्याक मोर्चाचे अध्यक्ष वकिलोद्दिन रियाजोद्दीन यांची तत्काळ 6 वर्षा करिता भाजपा मधुन हकालपट्टी करण्यात येत आहे. अशी घोषणा जिल्हा भाजपा अध्यक्ष शिवरकर यांनी केली.