cm-of-maharashtra-political----: सत्तास्थापनेत माझा अडसर येणार नाही. मोदी शाह जो निर्णय घेतील तो मला मान्य असेल- एकनाथ शिंदे

  social media 

भारतीय अलंकार न्यूज 24

मुंबई: महाराष्ट्राच्या विधानसभा निवडणूकीचा निकाल लागून चार दिवस झाले तरी अद्याप मुख्यमंत्रीपदाबाबात कोणताही निर्णय झालेला नाही.

आज बुधवारी शिंदे गटाचे नेते व राज्याचे काळजीवाहू मुख्यमंत्री एकनाथ शिंदे यांनी बुधवारी ठाणे येथील पत्रकार परिषद घेत त्यावर शिक्कामोर्तब केले. एकनाथ शिंदे यांनी पत्रकार परिषदेत  भाजपच्या मुख्यमंत्र्याला माझे पूर्ण समर्थन असेल, असे जाहीर केले. मात्र या पत्रकार परिषदेत एकनाथ शिंदे यांनी देवेंद्र फडणवीस यांचा एका शब्दानेही उल्लेख न केल्याने राजकिय वर्तुळात आश्चर्य व्यक्त होत आहे.

महाराष्ट्राच्या मुख्यमंत्रीपदावरून भाजप व शिंदे गटात रस्सीखेच सुरू होती. शिंदे व भाजप मधील नेते आमचाच मुख्यमंत्री होणार यावर ठाम होते. त्यात आता एकनाथ शिंदे यांनी पत्रकार परिषद घेत भाजपचा मुख्यमंत्री होणार असल्याचे सांगितले आहे. ”सत्तास्थापनेत माझा अडसर येणार नाही. मोदी – शाह जो निर्णय घेतील तो मला मान्य असेल. अमित शहांना मी फोन करून माझ्या भावना सांगितल्या आहेत. ते जो निर्णय घेतील तो मला मान्य असेल”, असे एकनाथ शिंदे म्हणाले.

शिंदे म्हणाले, मी काल मोदीजींना फोन केला होता, आमच्यात काही मतभेद नाही, मनात आडकाठी निर्माण करू नका. आम्ही सर्व एनडीएचा भाग आहोत.  भाजपच्या बैठकीत जो निर्णय होईल, तो आम्हाला मान्य असेल.  स्पीड ब्रेकर नाही.  आम्ही सरकार स्थापनेत अडथळा बनणार नाही.

शिंदे म्हणाले, मी स्वत:ला कधीच मुख्यमंत्री मानत नाही.  मी नेहमीच सामान्य माणूस म्हणून काम केले.  हा जनतेचा विजय आहे. पाठिंबा दिल्याबद्दल जनतेचे आभार.  

एकनाथ शिंदे म्हणाले, आम्ही अडीच वर्षे सरकार चालवले. या काळात केंद्र सरकार आमच्या पाठीशी उभे राहिले. आमच्या प्रत्येक प्रस्तावाला पाठिंबा मिळाला. राज्य चालवण्यासाठी केंद्र सरकारची साथ आवश्यक आहे. .

शिंदे पुढे म्हणाले, मी मोदीजी-शाहजींना फोन केला. तुम्ही जो निर्णय घ्याल, तो आम्हाला मान्य असेल, असे सांगितले. भाजपच्या बैठकीत तुमचा उमेदवार निवडला जाईल, तोही आम्हाला मान्य आहे. सरकार स्थापनेत आम्हाला कोणताही अडथळा नाही. सरकार स्थापनेबाबत तुम्हाला जो काही निर्णय घ्यायचा आहे, त्यात शिवसेना आणि माझा कोणताही अडथळा नाही.

एकनाथ शिंदे म्हणाले, "मला पदाची हौस नाही. आम्ही माणसे लढवत नाही. आम्ही काम करणारी माणसे आहोत. मी पंतप्रधान आणि गृहमंत्र्यांनाही सांगितले आहे की, महाराष्ट्रात एकही स्पीड ब्रेकर नाही, कोणी नाराज नाही, कोणीही नाही. येथे मतभेद नव्हते, ती महाविकास आघाडी होती, ती काढून टाकण्यात आली आहे.

  File image 

दरम्यान, एकनाथ शिंदे यांनी जवळपास अर्धा तासाची पत्रकार परिषद घेतली. या परिषदेत त्यांनी एकदाही देवेंद्र फडणवीसांचा उल्लेख केला नाही. त्यामुळे मुख्यमंत्रीपदावरून या दोघांमध्ये विसंवाद असल्याचे दिसून येत असल्याची जनसामान्यात चर्चा सुरू आहे.