akola-east-randhir-savarkar-: जंगी मिरवणुकीने विजयाचा निर्धार: आमदार रणधीर सावरकर यांचा उमेदवारी अर्ज दाखल; कार्यकर्त्यांची उसळली गर्दी

भारतीय अलंकार न्यूज 24

नीलिमा शिंगणे जगड 

अकोला: महाराष्ट्राची महालढाई सुरू झाली असून, विधानसभा निवडणुक आखाड्यात उतरताना अर्ज भरण्यासाठी 31 अकोला पूर्व विधानसभा मतदारसंघाचे भाजपा महायुतीचे अधिकृत उमेदवार विद्यमान आमदार रणधीर प्रल्हादराव सावरकर यांनी आज नवमीचा मुहूर्त साधला.

भाजपा कार्यालय ते जिल्हाधिकारी कार्यालय परिसर पर्यंत रस्त्यावर भगवं वादळ आलं होत. टाळ मृदुंगाच्या गजरात वाजत गाजत जंगी आशीर्वाद  मिरवणुकीने जात अकोला पूर्व विधानसभा मतदारसंघातून रणधीर सावरकर यांनी आपला उमेदवारी अर्ज दाखल केला. शिवसेना (शिंदे गट) आणि राष्ट्रवादी काँग्रेस (अजित पवार गट) व महायुती मधील इतर घटक पक्षाचे नेते मिरवणुकीत सामील झाले होते. यावेळी महायुतीच्या कार्यकर्त्यांची  गर्दी उसळली होती.

‘निश्चय विजयाचा ! निर्धार अकोला पूर्वच्या सर्वस्पर्शी विकासाचा’ तसेच ‘23 नोव्हेंबरला गुलाल आपलाच’ असे विजयाचे ब्रीदवाक्य लिहिलेले फलक कार्यकर्त्यांच्या हाती होते. नागरिकांना अभिवादन करत रणधीर सावरकर जिल्हाधिकारी कार्यालय दिशेने पायी निघाले. यावेळी महायुतीचे नेते खासदार अनुप धोत्रे, आमदार वसंत खंडेलवाल,माजी आमदार गोपीकिशन बाजोरिया (शिंदे गट), अश्विन नवले, माजी आमदार बलीराम शिरसकर , जयंत मसने, अर्चना मसने, सुमन गावंडे, मानते पाटील आदी या आशीर्वाद रॅलीत सहभागी झाले होते. 

भाजपने अकोला जिल्ह्यातील एक मात्र अकोला पूर्वच्या उमेदवाराच्या नावाची घोषणा केली आहे. रणधीर सावरकर हे सलग दोन वेळा भाजपचे आमदार असून तिसऱ्यांदा आपला भाग्य आजमावयाला निवडणूक रिंगणात उतरले आहेत. भाजपाने आज शुक्रवारी भव्य शक्ती प्रदर्शन करत रणधीर सावरकर यांचा नामांकन अर्ज दाखल केला आहे. शिवसेना उबाठाने गोपाल दातकर, वंचित बहुजन आघाडीने ज्ञानेश्वर सुलताने यांना उमेदवारी दिल्याने अकोला पूर्वची ही लढत तिरंगी होणार असल्याचे चित्र आहे. 

 

 

विजयाचा निर्धार करूनच मैदानात उतरलो

“अकोला पूर्वच्या विकासाला माझे नेहमीच प्राधान्य राहिले आहे. आता पुढेही राहील. समोर रिंगणात कोणीही असले तरी आम्ही विजयाचा निर्धार करूनच मैदानात उतरलो आहे. महायुतीने केलेल्या कामाच्या जोरावर जनता पुन्हा आपल्याला निश्चितच निवडून देणार असा माझा ठाम विश्वास आहे.  तर अकोल्याचे लोकप्रिय आमदार गोवर्धन शर्मा उर्फ लालाजी (स्वर्गीय) हे आज सोबत नसल्याने त्यांची उणीव  याप्रसंगी भासत आहे." 

 –  आमदार रणधीर सावरकर 

 31 अकोला पूर्व विधानसभा मतदारसंघाचे भाजपा - महायुतीचे अधिकृत उमेदवार 

शेतकरी ते ऑटो चालक, वृत्तपत्र विक्रेता, वारकरी व समाजातील पिडीत, वंचित समाजासाठी महामंडळे निर्माण करून लाडकी बहिण योजनेच्या माध्यमातून दिपउत्सव साजरा करण्यासाठी लाडकी बहिणींना एकनाथ शिंदे, देवेंद्र फडणवीस, अजित पवार यांनी मदत पाठवून समाज हित राष्ट्रहित सोबत सामाजिक दायित्व पूर्ण केले. शहरी आणि ग्रामीण समस्या निराकरणा सोबत मुलभूत सुविधा उपलब्ध करून देण्यासाठी, गेल्या 10 वर्षात आमदार रणधीर सावरकर यांनी सर्वस्पर्शी विकास करून समाजातील सर्व घटकांना एकत्रित केले. जात पात पेक्षा विकास आणि संस्कृती संवर्धानाचे काम केल्यामुळे त्यांचे नामांकन पत्र दाखल करतांना सर्व स्तरातील नागरिकांचा पक्ष, जात भेद विसरून त्यांना आशीर्वाद देण्यासाठी उपस्थिती हे त्यांच्या कार्याची पावती असल्याचे प्रतिपादन आमदार प्रकाश भारसाकळे यांनी केले. 

आज तिसऱ्यादा अकोला पूर्व विधानसभा मतदारसंघातून विजयाचा संकल्प घेऊन भाजपा, शिवसेना, राष्ट्रवादी कॉंग्रेस  रापाई आठवले, रिपाई कवाडे, रिपाई कुंभारे  गटाचे महायुती चे उमेदवार आमदार रणधीर सावरकर यांनी आज भाजपा कार्यालयातून  मिरवणुकीदारे नामांकन दाखल करतांना ते बोलत होते.  

यावेळी खासदार अनुप धोत्रे, आमदार अमोल मिटकरी, आमदार हरीष पिंपळे, आमदार वसंत खंडेलवाल,आमदार विप्लव बाजोरिया, माजी आमदार गोपीकिसन बाजोरिया, बळीराम शिरस्कार, किशोर पाटील, जयंत मसने, वैशाली निकम, अश्विन नवले, योगेश अग्रवाल, गौरव देशमुख, प्रदीप झापर्डे, विजय अग्रवाल, सुहासिनी धोत्रे, मंजुशा सावरकर,  समिक्षा धोत्रे, अर्चना शर्मा, शिवाजी देशमुख,  विजय सोळंके, गीतांजली शेगोकार, सुमन गावंडे, उषा विरक, उमादेवी शर्मा, चंदा शर्मा, हरीश अलमचंदनी, श्रावण इंगळे, डॉ. अशोक ओळंबे, शशी चोपडे, गजानन नळकांडे, संतोष शिवरकर, राजेश बेले, अशोक गुप्ता, वसंत बाछुका  शंकर वाकोडे, तेजराव थोरात आदी प्रामुख्याने उपस्थित होते. 

यावेळी मतदारांच्या ताकदीने आपण अकोला पूर्व विधानसभा मतदार संघातून मोठ्या संख्येने विजयी होवू, अशा विश्वास आमदार रणधीर सावरकर यांनी व्यक्त केला. 

वारकरी तसेच भजनी ढोल, गोंधळी समाज, बंजारा समाज, आदिवासी, कोळी समाज  बांधव परम्पारकत वेशभूषेमध्ये येऊन तसेच ठिकठिकाणी औक्ष्वण करून विविध सामाजिक संघटना, व्यापारी संघाना यांनी  आमदार रणधीर सावरकर यांचे स्वागत  करून आशीर्वाद दिले. 

तत्पूर्वी ग्रामदैवत राजराजेश्वर, तपे हनुमान, राममंदिर, गजानन महाराज यांचे मंदिरात जाऊन श्री सावरकर यांनी दर्शन घेतले.