rd-accident-akola-nagpur-mtz: साखरपुडा आटोपून अकोलाहून नागपुरकडे जाणाऱ्या पाहुण्यांचा अपघात; मुर्तिजापूर जवळ उभ्या ट्रकवर आदळली बस, 28 जखमी

भारतीय अलंकार न्यूज 24

नीलिमा शिंगणे जगड 

अकोला: मुर्तिजापूर येथील राष्ट्रीय महामार्ग क्रमांक 53 वरील पॉप्युलर पेट्रोल पंप नजीक उभ्या ट्रकला ट्रॅव्हल्स बसने धडक दिल्याची घटना रविवार 30 जुनच्या मध्यरात्री 12 वाजताच्या सुमारास घडली आहे. अकोला येथे कनोजिया यांच्या कडील सारखपुडा कार्यक्रमास नागपूर वरून आलेल्या पाहुण्यांसोबत ही दुर्दैवी घटना घडली. 

साखरपुडा कार्यक्रम आटोपून पाहुणे मंडळी खासगी बसने अकोला येथून नागपूरच्या दिशेने निघाले होते. दरम्यान मूर्तिजापूर येथील राष्ट्रीय महामार्ग क्रमांक 53 नजिक पॉप्युलर पेट्रोल पंप समोर उभ्या असलेल्या ट्रकला (क्रमांक टी एस 02 यूडी 4286) ट्रॅव्हल्स बसने (क्रमांक एम एच 40 बीएल 1117)  मागून धडक दिल्याने भीषण अपघात घडल्याची घटना रविवारच्या मध्यरात्री घडली. सुदैवाने यात कुठलीही जीवित हानी झाली नसली तरी ट्रॅव्हल्स बस मधील नागपूर येथे जाणाऱ्या 28 वऱ्हाडी गंभीर जखमी झाले आहे.

यामध्ये ईश्वर राजाराम कनोजिया (39), सुशिला अर्जुन बैसवारे (75), महेंद्रसिंह धमरसिंह साकेवार, गणेश कन्हैयालाल चौधरी, राधाबाई सुरज बैसवारे (40), राजू ब्रह्मलाल बैसवारे (65), मुकेश पापालाल कनोजिया (51), आरती अशोक कनोजिया (40), किशोर बाबालाल कनोजिया, जय राजू रडके (19), अशोक लालचंद कनोजिया (४५), रमेश पन्नालाल बैस्वारे (61), धर्मेंद्र शंकरलाल बैस्वारे (43), मनोज नथू बैस्वारे (63), अशोक लक्ष्मण बैस्वारे (63), वासुदेव दिवाग अंबोने (59), दुर्गेश केशवराव लुटे (34), सरला बंशी कनोजिया (55), राधिका ईश्वर कनोजिया, गेंदालाल छोटेलाल कनोजिया, राजेश जगन्नाथ कनोजिया, ममता शिव कनोजिया, मनीष हिरालाल मोरे, रिना श्यामलाल कनोजिया,साक्षी नंदलाल कनोजिया, माया राजू बैस्वारे, संजय नंदू कनोजिया,अनुप कनोजिया जखमी असून पुढील उपचारार्थ श्रीमती लक्ष्मीबाई उपजिल्हा सामान्य रुग्णालय येथे हलविण्यात आले.  

वैद्यकीय अधिकारी डॉ.गौरव गोसावी, डॉ.विशाल यादव यांच्यासह अपघाताची माहिती शहरात पसरताच शहरातील डॉ.प्रशांत अवघाते, डॉ.स्वप्निल गुल्हाने, डॉ. खुशबू गुल्हाने, डॉ.विनोद जेठवानी, डॉ.चंदन निमोदिया, डॉ.इमरान खान यांनी तात्काळ श्रीमती लक्ष्मीबाई देशमुख उपजिल्हा सामान्य रुग्णालय गाठून जखमींवर उपचार केले. 

स्थानिकांनी घटनास्थळावरून जखमींना श्रीमती लक्ष्मीबाई देशमुख उपजिल्हा सामान्य रुग्णालय येथे हलविले. शहरातील समाजसेवक आतिश महाजन, सुनील लछूवानी, लकी अग्रवाल, आकाश महाजन, जितेश पवार, शुभम शिंगारे, स्वप्निल चौधरी, गणेश श्रीवास, अक्षय देशमुख यांनी सहकार्य केले.