Amol Mitkari: किसनराव हुंडीवाले यांच्या स्मरणार्थ गरजूंना मोफत उपचार -आमदार मिटकरी

अकोला: समाज नेते किसनराव यमाजी हुंडीवाले यांच्या दुसऱ्या पुण्यतिथी निमित्ताने गुरुवारी खडकी बु येथे  अभिवादन सभा आयोजित केली होती. 

आमदार अमोल मिटकरी, आमदार हरीश पिंपळे यांच्यासह समाज व मित्र मंडळ  यांनी याप्रसंगी हजेरी लावून कोरोना नियमांचे पालन करून किसनराव हुंडीवाले  यांना श्रध्दांजली अर्पण केली.

यावेळी  आमदार अमोल मिटकरी यांनी गरजू व गरिब रुग्णांनी किडनी आजार, हृदय आजार व इतर प्रकारच्या आजारावर मुंबई येथे नामांकित हॉस्पिटल मध्ये मोफत उपचार करण्याकरिता संपर्क साधण्याचे आवाहन केले आहे. यासाठी जनसंपर्क कार्यालय लवकरच खडकी येथे सुरू होणार असल्याचे असे मिटकरी यांनी सांगितले.