अकोल्यात कोरोनाचे थैमान थांबता थांबेना...मृतकांची संख्या 135... तर एकूण रुग्ण 3242!
अकोला: कोरोनाचे थैमान अकोल्यात सुरूच आहे.रविवारी दिवसभरात (सायंकाळी पाच वाजेपर्यंत) कोरोना संसर्ग तपासणीचे 104 अहवाल प्राप्त झाले. त्यातील 90 अहवाल निगेटीव्ह तर 14 अहवाल पॉझिटीव्ह आले. आता अकोला जिल्ह्यात पॉझिटीव्ह अहवालांची एकूण संख्या 3242(2724+518) झाली आहे. दिवसभरात 22 रुग्ण बरे झाले, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.
शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 23909 जणांचे नमुने पाठवण्यात आले आहेत. त्यात प्राथमिक तपासणीचे 23264 फेरतपासणीचे 170 तर वैद्यकीय कर्मचाऱ्यांचे 475 नमुने होते. आजपर्यंत एकूण 23801 अहवाल प्राप्त झाले आहेत. एकूण निगेटीव्ह अहवालांची संख्या 21077 आहे. तर पॉझिटीव्ह अहवाल 3242(2724+518) आहेत, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.
14 पॉझिटिव्ह
रविवारी दिवसभरात 14 जणांचे अहवाल पॉझिटीव्ह आले. त्यात आज सकाळी १४ जणांचे अहवाल पॉझिटिव्ह आले. त्यात सहा महिला व आठ पुरुष आहेत. त्यातील मूर्तिजापूर येथील नऊ जण, बार्शी टाकळी येथील दोन जण तर उर्वरित वाडेगाव, कृषी नगर व बोरगांव मंजु येथील प्रत्येकी एक याप्रमाणे रहिवासी आहेत. तसेच आज सायंकाळी कोणाचाही अहवाल पॉझिटिव्ह आला नाही, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.
दरम्यान, काल रात्री प्राप्त झालेल्या रॅपिड अँटीजन टेस्ट मध्ये एकाचा अहवाल पॉझिटिव्ह आला होता. त्यांचाही समावेश आजच्या पॉझिटीव्ह अहवाल संख्येत व ॲक्टीव्ह पॉझिटीव्ह अहवाल संख्येत करण्यात आला आहे.
एक मयत
दरम्यान रविवारीएकाचा मृत्यू झाला. शिवसेना वसाहत, जुने शहर, अकोला येथील ५० वर्षीय महिला असून ती दि. १० ऑगस्ट रोजी दाखल झाली होती. तिचा उपचार घेतांना मृत्यू झाला.
22 जणांना डिस्चार्ज
दरम्यान रविवारी दुपारनंतर शासकीय वैद्यकीय महाविद्यालयातून ११ जणांना, कोविड केअर सेंटर येथून चार जण, हॉटेल रिजेन्सी येथून दोन जण तर हॉटेल रणजित येथून पाच जणांना, अशा एकूण २२ जणांना डिस्चार्ज देण्यात आला, अशी माहिती जिल्हा शल्य चिकित्सक कार्यालयातून देण्यात आली आहे.
451 पॉझिटीव्ह रुग्णांवर उपचार सुरु
आजपर्यंत एकूण पॉझिटीव्ह अहवालांची संख्या 3242(2724+518) आहे. त्यातील 135 जण मयत आहेत. डिस्चार्ज दिलेल्या एकूण व्यक्तींची 2656 संख्या आहे. तर सद्यस्थितीत 451 पॉझिटीव्ह रुग्ण उपचार घेत आहेत, अशी माहिती शासकीय वैद्यकीय महाविद्यालयाच्या सूत्रांनी दिली आहे.
Rapid Test
रविवारी दिवसभरात झालेल्या चाचण्या याप्रमाणे- अकोला ग्रामीण, बाळापूर, अकोट, बार्शीटाकळी, मुर्तिजापूर, तेल्हारा व पातूर येथे चाचण्या झाला नाही. तसेच अकोला मनपा येथे 44 चाचण्या झाल्या त्यात पाच जणांचे अहवाल पॉझिटिव्ह आला, तर वैद्यकीय कर्मचाऱ्यांपैकी 18 जणांच्या चाचण्या झाल्या त्यात एकाचा अहवाल पॉझिटीव्ह आला, शासकीय वैद्यकीय महाविद्यालयात एक चाचणी झाली त्यात कोणाचाही अहवाल पॉझिटिव्ह आला नाही, अशा प्रकारे दिवसभरात 63 जणांच्या चाचण्या झाल्या त्यात सहा जणांचा अहवाल पॉझिटीव्ह आला. आतापर्यंत जिल्ह्यात 10470 चाचण्या झाल्या असून 530 जणांचे अहवाल पॉझिटीव्ह आले आहेत, असे जिल्हा प्रशासनाने कळविले आहे
टिप्पण्या
टिप्पणी पोस्ट करा