बॉलिवूड अभिनेता सुशांतसिंग राजपूतची आत्महत्या ;घरातच घेतली फाशी
मुंबईः बॉलिवूडचा प्रसिद्ध अभिनेता सुशांतसिंग राजपूतने आत्महत्या केली असल्याचे रविवारी उघडकीस आले. 'पवित्र रिशता' या मालिकेतून घराघरात पोहचलेला सुशांतसिंग राजपूतने स्वत: ला मुंबईतील घरात फाशी दिली.सध्या आत्महत्येचे कारण समजू शकलेले नाही.
माजी भारतीय क्रिकेटपटू महेंद्रसिंग धोनीच्या बायोपिकमध्ये सुशांतसिंग राजपूतने धोनीची भूमिका साकारली. सुशांतसिंग राजपूत यांनी बर्याच प्रसिद्ध चित्रपटांत काम केले आहे. नुकत्याच प्रदर्शित झालेल्या 'छिछोरे' चित्रपटातील त्याच्या अभिनयाचे रसिकांनी खूप कौतुक केले.
सुशांतसिंग राजपूत यांच्या घरी त्याचे काही मित्रही उपस्थित होते, असं सांगण्यात येत आहे.तो रात्री त्याच्या खोलीत झोपायला गेला. परंतु जेव्हा त्याने सकाळी खोलीचा दरवाजा उघडला नाही आणि काहीच उत्तर दिले नाही तेव्हा त्याच्या खोलीचा दरवाजा तोडला गेला होता,तेंव्हा तो फाशीच्या फद्यांवर लटकलेला आढळला होता.
सुशांतसिंग राजपूत यांच्यावर नैराश्यावर उपचार सुरू असल्याचे सांगण्यात येत आहे. त्याच्या घरातून अशी अनेक कागदपत्रे व औषधे सापडली आहेत, ज्यावरून असे दिसून येते की, त्याच्यावर डिप्रेशनसाठी उपचार सुरू होते. सध्या त्याच्या घरातून कोणतीही सुसाइड नोट सापडलेली नाही.
गाजलेले चित्रपट
सुशांतसिंगचे एम एस धोनी, केदारनाथ, दिल बेचारा, काय पो छे, शुद्ध देसी आदी चित्रपट प्रेक्षकांनी पसंद केले होते.पाटणा बिहार येथून आलेल्या सुशांतसिंगने स्वबळावर चंदेरी दुनियेत आपले वेगळे स्थान निर्माण केले होते.
मॅनेजरची काही दिवसांपूर्वी आत्महत्या
काही दिवसांपूर्वी सुशांतसिंग राजपूतचे माजी मॅनेजर यांनी मुंबईच्या मालाड मधील मालवणी भागात इमारतीच्या १४ व्या मजल्यावरून उडी मारून आत्महत्या केली होती.
...........
टिप्पण्या
टिप्पणी पोस्ट करा