- लिंक मिळवा
- X
- ईमेल
- अन्य अॅप्स
- लिंक मिळवा
- X
- ईमेल
- अन्य अॅप्स
दीपक कांबळे हत्या प्रकरणी सत्र न्यायालयाचा महत्त्वपूर्ण निकाल; प्रत्येकी ५० हजारांचा दंड, रक्कम मृताच्या कुटुंबीयांना देण्याचे आदेश
भारतीय अलंकार न्यूज 24
नीलिमा शिंगणे जगड
अकोला : जुन्या वादातून बेकायदेशीर जमाव करून लोखंडी तलवार, कत्ता व फर्ध्यांसह हल्ला करून दिपक कांबळे यांचा खून केल्याप्रकरणी अकोला जिल्हा व सत्र न्यायालयाने चार आरोपींना दोषी ठरवत जन्मठेपेची शिक्षा सुनावली आहे. प्रत्येक आरोपीला ५० हजार रुपये दंड ठोठावण्यात आला असून, दंडाची रक्कम मयत दिपक कांबळे यांच्या कुटुंबीयांना देण्याचे आदेश न्यायालयाने दिले आहेत.
२०१५ मधील हल्ल्यात दिपक कांबळे यांचा मृत्यू
दि. १६ मे २०१५ रोजी सकाळी सुमारे १० वाजता रमाबाई आंबेडकर नगर, जुने शहर, अकोला येथे जुन्या वादातून ही घटना घडली होती. एकूण १० आरोपींनी बेकायदेशीर जमाव करून सामायिक उद्देशाने हातात लोखंडी तलवार, लोखंडी कत्ता, लोखंडी फर्धे यांसारखी हत्यारे घेऊन दिपक कांबळे व त्यांचे भाऊ भगवान कांबळे यांच्यावर हल्ला केला.
या हल्ल्यात दीपक कांबळे यांचा मृत्यू झाला, तर भगवान कांबळे गंभीर जखमी झाले. तसेच मयत दिपक कांबळे यांचा मुलगा सागर कांबळे आणि मुलगी दुर्गा काळे हे देखील जखमी झाले होते.
जुने शहर पोलीस ठाण्यात गुन्हा दाखल
घटनेनंतर पप्पू उर्फ पिंटू भिकाजी गायकवाड यांनी जुने शहर पोलीस ठाण्यात फिर्याद दिली. त्यावरून आरोपींविरुद्ध गुन्हा क्रमांक ८८/२०१५ दाखल करण्यात आला होता.
तपास पूर्ण झाल्यानंतर तत्कालीन जुने शहर पोलीस ठाण्याचे पोलीस निरीक्षक रियाज शेख यांनी न्यायालयात आरोपपत्र दाखल केले.
१६ साक्षीदारांची साक्ष ठरली महत्त्वाची
या प्रकरणाच्या सुनावणीदरम्यान सरकार पक्षाच्या वतीने एकूण १६ साक्षीदार तपासण्यात आले. प्रत्यक्षदर्शी साक्षीदारांच्या साक्षी तसेच परिस्थितीजन्य पुराव्यांचा न्यायालयाने विचार केला. दोन्ही पक्षांचा युक्तिवाद ऐकल्यानंतर व उपलब्ध पुराव्यांचे परीक्षण करून न्यायालयाने चार आरोपींना खुनाच्या गुन्ह्यात दोषी ठरवले.
चार आरोपींना जन्मठेप
दि. ६ ऑक्टोबर २०२६ रोजी प्रमुख जिल्हा व सत्र न्यायाधीश, अकोला दत्तात्रय सातवळेकर यांनी सत्र खटला क्र. १५६/२०१५ मध्ये पुढील चार आरोपींना भारतीय दंड विधान कलम ३०२ अंतर्गत दोषी ठरवून जन्मठेपेची शिक्षा सुनावली :
- मनिष समाधान शिरसाट
- दीपक उर्फ बाका समाधान शिरसाट
- दिलीप समाधान शिरसाट
- अल्पेश उर्फ बाला पंजाबराव अजने
हे सर्व आरोपी रमाबाई आंबेडकर नगर, जुने शहर, अकोला येथील रहिवासी आहेत.
न्यायालयाने प्रत्येक आरोपीवर ५० हजार रुपये दंड, असा एकूण २ लाख रुपयांचा दंड ठोठावला असून, ही दंडाची रक्कम मयत दिपक कांबळे यांच्या कुटुंबीयांना देण्याचे आदेश दिले आहेत.
इतर आरोपींची निर्दोष मुक्तता
या प्रकरणातील इतर आरोपींविरुद्ध सबळ पुरावा उपलब्ध नसल्याने न्यायालयाने त्यांची सबळ पुराव्याअभावी निर्दोष मुक्तता केली आहे.
सरकार पक्षाचा प्रभावी युक्तिवाद
सदर प्रकरणात सरकार पक्षाच्या वतीने जिल्हा सरकारी वकील ॲड. आर. आर. उर्फ गिरीश देशपांडे यांनी बाजू मांडली. त्यांना ॲड. विनाद फाटे यांनी सहकार्य केले.
या प्रकरणाचा तपास जुने शहर पोलीस ठाण्याचे पोलीस निरीक्षक रियाज शेख यांनी केला. तसेच सी.एम.एस. पैरवी अधिकारी एएसआय अनवर खान आणि पोलीस स्टेशन पैरवी गंगा साबळे यांनी प्रकरणाच्या न्यायालयीन कामकाजात सहकार्य केले.
ठळक मुद्दे
२०१५ च्या खून प्रकरणाचा ११ वर्षांनंतर निकाल
चार आरोपींना जन्मठेपेची शिक्षा
प्रत्येकी ५० हजार रुपये दंड
दंडाची रक्कम मृताच्या कुटुंबीयांना देण्याचे आदेश
सरकार पक्षाने १६ साक्षीदार तपासले
प्रत्यक्षदर्शी व परिस्थितीजन्य पुराव्यांच्या आधारे दोषसिद्धी
इतर आरोपींची सबळ पुराव्याअभावी निर्दोष मुक्तता
News Highlights
Akola, AkolaNews, अकोला, अकोला बातम्या, CrimeNews, CourtVerdict, CourtNews, खूनप्रकरण, जन्मठेप, SessionsCourt, AkolaCourt, DipakKamble, OldCityAkola, PoliceNews, Justice, BNSIPC, BAnews24
- लिंक मिळवा
- X
- ईमेल
- अन्य अॅप्स
टिप्पण्या
टिप्पणी पोस्ट करा