black-marketing-of-domestic- gas-cylinders: घरगुती गॅस सिलेंडरचा काळाबाजार रोखण्यासाठी नऊ पथके गठीत; सहा ठिकाणी कारवाई

     file images 

ठळक मुद्दा

अकोला जिल्ह्यात घरगुती गॅस सिलेंडरचा पुरेसा साठा; नागरिकांनी गॅस एजन्सी समोर अनावश्यक गर्दी टाळावी- जिल्हा प्रशासनाचे आवाहन

भारतीय अलंकार न्यूज 24

नीलिमा शिंगणे जगड 

अकोला : घरगुती गॅस सिलेंडरचा काळाबाजार रोखण्यासाठी जिल्हास्तरावर व तालुका स्तरावर मिळून या कार्यालयचे 9 पथके गठीत करण्यात आलेली आहेत.  या पथकामार्फत जिल्यातील एकुण 34 सर्व गॅस एजन्सीची तपासणी करण्याचे व अकोला जिल्हयाचे  कार्यक्षेत्रात घरगुती वापराचे गॅस सिलेंडरवर नियंत्रण  तसेच नागरीकांना गॅस सिलेंडरचा पुरवठा / वितरण सुरळीत करण्यासाठी नियोजन करण्याचे याद्वारे आदेशीत करण्यात आलेले आहे. गठीत पथकामार्फत कार्यक्षेत्रातील व्यावसायीक विविध ठिकाणांची तपासणी करण्यात येणार आहे, असे जिल्हा पुरवठा अधिकारी रवींद्र यनावार यांनी सांगितले.

सहा ठिकाणी कारवाई 

आता पर्यंत पथकाने 25 व्यावसायीक प्रतिष्ठांनावर भेटी ‍दिल्या.  भेटी दरम्यान अवैधरित्या घरगुती वापराचे गॅस सिलेंडर व्यावसायाच्या ठिकाणांवर वापरतांना आढळून आल्याने धडक कारवाई करून 6 ठिकाणांवरून एकुण 08 घरगुती गॅस सिलेंडर जप्तीची कारवाई केली.

अकोला जिल्हयामध्ये घरगुती वापराचे गॅस सिलेंडरचा साठा पुरेसा आहे. नागरिकांनी  कोणत्याही अफवांवर विश्वास ठेवू नये.  तसेच अनावश्यक गर्दी गॅस एजन्सीमध्ये करू नये, असे आवाहन अकोला जिल्हा प्रशासनाने केले आहे.