akola-east-politics-bjp-koli-mh: अकोला पूर्वमध्ये मोठी राजकीय चाल: महादेव कोळी विकास जमात संघाचा भाजपमध्ये शक्तीशाली प्रवेश

भारतीय अलंकार न्यूज 24

नीलिमा शिंगणे जगड 

अकोला | स्थानिक स्वराज्य संस्थांच्या निवडणुकांचे वातावरण जोर पकडत असताना अकोला पूर्व मतदारसंघात भव्य राजकीय हालचाल घडली आहे. निर्णायक मतदार म्हणून ओळखल्या जाणाऱ्या आदिवासी महादेव कोळी विकास जमात संघाने भाजपचा झेंडा हाती घेतला असून, त्यामुळे भाजपची ताकद मोठ्या प्रमाणात वाढली आहे.

या पक्ष प्रवेश सोहळ्यात माजी राज्यमंत्री दशरथ भांडे यांची सून व माजी जिल्हा परिषद सदस्य चित्रा भांडे यांनी वंचित बहुजन आघाडीला रामराम ठोकत भाजपमध्ये प्रवेश केला. त्याचप्रमाणे रेलेश्वर महादेव संस्थेचे अध्यक्ष सुधाकरराव घुगरे, तसेच शेकडो कार्यकर्त्यांनी भाजप खासदार अनुप धोत्रे आणि आमदार रणधीर सावरकर यांच्या उपस्थितीत भाजपा प्रवेशाची घोषणा केली.

सध्या जिल्हा परिषदेत भाजप तिसऱ्या क्रमांकाचा पक्ष असला तरी आगामी निवडणुकांत सत्ता काबीज करण्याच्या तयारीत पार्टी दिसत आहे. त्यामुळे पक्षात 'इनकमिंग'चे प्रमाण वेगाने वाढले असल्याचे स्पष्ट दिसते.

प्रमुख नेते 

चित्रा भांडे (माजी जि.प. सदस्य)

सुधाकरराव घुगरे (रेलेश्वर संस्थेचे अध्यक्ष)

डॉ. अशोक कोलटके (उपाध्यक्ष)

धनराज मोरे, संजय घुगरे (मार्गदर्शक)

मोहन घुगरे (अध्यक्ष, रेल शिक्षण समिती)

“मतदारसंघाचा विकास हाच उद्देश” — जमात संघ

प्रवेश करणाऱ्या जमात बांधवांनी सांगितले की, भाजप हा सत्ताधारी पक्ष असल्याने स्थानिक विकासाला गती मिळेल. पायाभूत सुविधा, सामाजिक प्रश्न व विकास प्रकल्पांना चालना मिळण्यासाठी हा निर्णय घेतला असल्याचे त्यांनी सांगितले.

यासाठीच लवकरच जिल्हा परिषद आणि पंचायत समिती निवडणुकीत योग्य उमेदवार देण्याची मागणी होणार असल्याचेही त्यांनी स्पष्ट केले.

रणधीर सावरकर यांच्या पुढाकारातून ५० लाखांचा सभामंडप

यातील एक महत्त्वाचा भाग म्हणजे, आमदार रणधीर सावरकर यांच्या प्रयत्नातून रेलेश्वर संस्थेसाठी ५० लाखांचा सभामंडप बांधण्यात आला आहे. यापुढेही अनेक कामे भाजपच्या माध्यमातून पूर्ण करण्याचा मानस व्यक्त करण्यात आला.

भाजपमध्ये दाखल झालेल्या सर्व जमात बांधवांचे अभिनंदन!

अकोला पूर्व मतदारसंघात झालेल्या या प्रवेशामुळे भाजपची ताकद अधिक भक्कम झाली असून आगामी निवडणुकांच्या दृष्टीने ही 'मोठी चाल' मानली जात आहे.

News points 

कोळी महादेव बांधव भाजपा प्रवेश

अकोला पूर्व राजकारण

महादेव कोळी जमात 

भाजप प्रवेश अकोला

अकोला राजकीय बातमी

रेलेश्वर संस्था 

सुधाकरराव घुगरे 

चित्रा भांडे भाजप

रणधीर सावरकर विकास 

अनुप धोत्रे न्यूज