नीलिमा शिंगणे जगड
अकोला: अखेर पाच हजार किलो मीटर पाठलाग करून डाबकी रोड पोक्सो प्रकरणातील नराधमास स्थानीक गुन्हे शाखा, अकोला कडुन इंदौर (मध्यप्रदेश) येथुन अटक करण्यात आली आहे. गणेश विसर्जन सोहळ्यात कुटुंब दंग असताना आरोपीने डाव साधून अल्पवयीन मुलीवर भरवस्तीत अत्याचार केला. या घटनेमुळे अकोल्यात जनक्षोभ उसळला होता.
दिनांक ०६ सप्टेंबर २०२५ रोजी पो.स्टे. डाबकी रोड येथे अप क्र. २९९/२०२५ कलम ६५ (१), ७५(१), ३३३,३५१(२), ३५१(३), ३५२ बी.एन.एस. सहकलम ४ (२), ६(१), ८, १२ नुसार गुन्हा दाखल झाला. यातील फिर्यादी ही अल्पवयीन असुन गणेश विसर्जनसाठी फिर्यादी हीचे घरातील सर्व सदस्य श्री. गणेश विसर्जन करीता गेले असता अल्पवयीन फिर्यादी ही घरी एकटी हजर असल्याच्या संधीचा फायदा घेत आरोपी तौहिदखान समीरखान बैद (वय २८ वर्ष, रा खैर मोहम्मद प्लॉट, डाबकी रोड, अकोला) याने पीडीतेच्या घरात जबरदस्तीने प्रवेश करून पिडीतेला चाकुचा धाक दाखवत जबरीने अत्याचार केला. याबाबत फिर्यादीचे जबानी रिपोर्टवरून पोलीस स्टेशन डाबकी रोड येथे गुन्हा दाखल करून तपासात घेतला होता.
घडलेल्या गुन्हयाचे गांभीर्य पाहता पोलीस अधीक्षक अकोला श्री. अर्चित चांडक यांनी पोलीस निरीक्षक शंकर शेळके, स्था.गु.शा. अकोला. यांना आरोपी याचा शोध घेवून तात्काळ अटक करणे कामी पथक तयार करण्याचे आदेश दिले. यावरून पोलीस निरीक्षक शंकर शेळके, स्था.गु.शा. यांचे मार्गदर्शनात पो.स्टे. डाबकी रोड व स्थानिक गुन्हे शाखा अकोला यांचे चार पथक तयार करून विविध ठिकाणी व वेगवेगळ्या राज्यात आरोपी शोध घेण्यासाठी रवाना करण्यात आले.
गठीत केलेल्या स्था.गु.शा. अकोला पथक यांना आरोपी हा सुरत येथे जाणार असल्याची खात्रीलायक बातमी मिळाली होती. यावरून पोलीस अधीक्षक अर्चित चांडक यांचे आदेशाने व पोलीस निरीक्षक स्था.गु.शा. शंकर शेळके यांचे मार्गदर्शनात एक पथक तात्काळ स्वरूपात सुरत, गुजरात राज्य येथे रवाना करण्यात आले. स्था.गु.शा. अकोला पथक सुरत येथे पोहचुन आरोपी याचे नातेवाईकांकडे जावून शोध घेतला असता, आरोपी याने त्याचे जवळ असलेला मोबाईल त्याचे बहिणीचे घरी सोडुन तेथुन निघुन गेला होता. आरोपीने वापरात असलेला मोबाईल सुरत येथे ठेवल्यामुळे त्याचा शोध घेणे आव्हानात्मक झाले होते.
स्था.गु.शा. अकोला पथकाला गुप्त माहिती प्राप्त झाली की, सदर गुन्हयातील आरोपी हा अहमदाबाद राज्य गुजरात येथे त्याचे नातेवाईकाकडे गेला आहे. यावरून पथकाने विलंब न लावता तात्काळ अहमदाबादकडे रवाना होवून आरोपीचे नातेवाईकाची माहिती घेवून त्यांच्या घरी पोहचुन आरोपीबाबत विचारपुस केली असता, आरोपी हा अहमदाबाद येथे आला होता, व तेथुन निघुन गेला, अशी माहिती प्राप्त झाली.
या पथकाने गुन्हातील आरोपीबाबत तांत्रीक माहिती काढली असता आरोपी हा आग्रा (उत्तरप्रदेश) येथे गेल्याचे निष्पन्न झाले. परंतु, अहमदाबाद ते आग्रा हे अंतर जवळपास ९५० कि.मी असल्याने तात्काळ तेथे पोहचणे शक्य नसल्याने पोलीस अधीक्षक यांचे आदेशाने स्था.गु.शा. अकोला पथक हे विमानाने दिल्ली येथे पोहचले, व दिल्ली येथुन मिळेल त्या साधनाने आग्रा (उत्तरप्रदेश) पोहचुन आरोपीचा आग्रा येथील रेल्वे स्टेशन, बस स्टैंड, दरगाह, मंदीर, लॉजेस, आश्रम इत्यादी ठिकाणी शोध घेतला. परंतु आरोपी मिळून आला नाही.
समाजामध्ये संतापाची लाट
या गुन्हयातील सराईत आरोपीने पिडीत अल्पवयीन मुलीचे आई, वडिल गणेश विसर्जनाकरीता घराबाहेर गेले असता त्या संधीचा फायदा घेउन अल्पवयीन मुलीवर चाकुचा धाक दाखवुन जबरी अत्याचार केल्यामुळे समाजामध्ये संतापाची लाट पसरली होती, तसेच विविध संघटनाने आरोपीस तात्काळ अटक करण्याकरीता मोर्चाचे आयोजन केले होते. तसेच आरोपीचे हातपाय व आतील अंग कापणा-याला बक्षिस घोषित केले होते व इतर सोशल मिडीया व समाज माध्यमच्या आधारे अकोला जिल्हयाचे वातावरण तणावपूर्ण झाले होते. गुन्हयाचे गांभिर्य लक्षात घेवुन पोलीस अधीक्षक अर्चित चांडक यांनी आरोपीच्या मागावर असलेल्या स्था.गु.शा. अकोला पथकाला आरोपीचा कोणत्याही परीस्थितीमध्ये लवकरात लवकर शोध घेवुन अटक करण्याचे आदेश दिले होते.
गुन्हयातील आरोपीचे हालचालीचे तांत्रिक विश्लेषण केले असता, आरोपी हा रेल्वे व बसने सतत प्रवास करून भुसावळ (महाराष्ट्र), सुरत (गुजरात), अहमदाबाद (गुजरात), दिल्ली आग्रा (उत्तरप्रदेश), झांसी (उत्तरप्रदेश), भोपाळ (मध्यप्रदेश), गुना (मध्यप्रदेश), ललीतपुर (उत्तरप्रदेश), शिवपुरी (मध्यप्रदेश) उज्जैन (मध्यप्रदेश) देवास (मध्यप्रदेश), इंदौर (मध्यप्रदेश) या मार्गावर प्रवास करत होता. प्रत्येक ठिकाणी स्था.गु.शा. अकोला पथक हे रेल्वे स्टेशन व बस स्टैंड, दर्गा, मंदीर, लॉजेस, इत्यादी ठिकाणी चेक करत होते. परंतु आरोपी सराईत गुन्हेगार असल्याने मिळुन येत नव्हता.
स्था.गु.शा. अकोला पथक हे भोपाळ (मध्यप्रदेश) येथे आरोपीचा शोथ घेत असताना तांत्रिक विश्लेषणाव्दारे माहिती प्राप्त झाली की, आरोपी हा इंदौर (मध्यप्रदेश) बायपास येथे असल्याचे समजले. यावरून स्था.गु.शा. अकोला येथील स.पो.नि. गोपाल ढोले व अंमलदार शेख हसन, एजाज अहेमद, मोहम्मद आमीर यांचे पथक खाजगी वाहन करून तात्काळ इंदौर येथे पोहचुन वेषांतर करून, आरोपीचा शोध घेतला असता, आरोपी हा इंदौर बायपास येथे असल्याचे समजल्याने आरोपीस अटक करण्याकरीता मोठ्या शिताफीने सापळा रचुन त्यास अटक करण्यात यश प्राप्त केले.
आरोपीचा शोध घेण्यासाठी स्था.गु.शा. अकोला पथकाने मागील चार दिवसात चार चाकी वाहन, विमान, रेल्वे, ऑटो, बस अशा प्रकारे मिळेल त्या साधनाने अंदाजे ५००० कि. मी अहोरात्र प्रवास करून तसेच जवळपास २५० सिसिटीवी फुटेज चेक करून व एकुण १२ ट्रेन वेगवेगळ्या राज्यात चेक करून अथक मेहनत करून आरोपीस पकडण्यास यश मिळवीले.
आरोपी सराईत गुन्हेगार असल्याने आरोपीस अटक करणे आव्हानात्मक होते.आरोपीचा कोणताही ठाव ठिकाण नसल्याने आरोपी अटक करणे अवघड होते. त्यामुळे सदर प्रकरणाचे गांभीर्य अर्चित चांडक यांनी पोलीस निरीक्षक स्था. गु.शा. शंकर शेकळे यांचे नेतृत्वात एकुण १० अधिकारी व एकुण ४० अमंलदार आरोपीचा शोथ घेणे कामी नियुक्त केले होते.
आरोपी मागील ४ ते ५ दिवस कोठेही न थांबता रेल्वे, बस व मिळेल त्या वाहनाने रात्रंदिवस प्रवास करून फरार राहण्याचा प्रयत्न करत होता.
वेगवेगळ्या पोलीस स्टेशन मध्ये गुन्हे दाखल
या गुन्हयातील आरोपी हा सराईत गुन्हेगार असुन त्याच्यावर अकोला शहरात वेगवेगळ्या पोलीस स्टेशन मध्ये गुन्हे दाखल आहेत. पोलीस स्टेशन सिटी कोतवाली, डाबकी रोड, रामदासपेठ येथे अप क. १९४/२०१६ कलम ३७९,३४ भा.दं. वि., अप क्र. १०१/२०२० कलम ३२४, ५०४,५०६ ३४ भादवी, अप क. ५२६/२०२१ कलम ३७६ (२), २९४, ५०६ भादवी, सह. ४, २५, अप क. २२७/२०२२ कलम ३७९ भादवी, अप क्र. ११०/२०२५ कलम ११५ (२),१३७ (२),३५१(२) (३),२९६, भा. न्या.सं. ४,६,८,१० पोस्को, अप क्र. २९९/२०२५ कलम ११५(२),१३७ (२), ३५१ (२) (३),२९६, भा.न्या.सं. ४,६,८,१० पॉस्को असे गुन्हे दाखल आहेत.
शोध पथक
ही यशस्वी कार्यवाही पोलीस अधिक्षक अर्चित चांडक, अपर पोलीस अधिक्षक बी. चंद्रकांत रेड्डी यांचे मार्गदर्शनाखाली पो. नि. शंकर शेळके. स्थानिक गुन्हे शाखा अकोला व स्था.गु.शा. येथील स.पो.नि. विजय चव्हाण, गोपाल ढोले, पो.उप.नि. गोपाल जाधव, माजीद पठाण, विष्णु बोडखे व पो. अमंलदार दशरथ बोरकर, शेख हसन, फिरोज खान, अब्दुल माजीद, वसिमोद्दीन, रविंद्र खंडारे, महेंद्र मलिये, किशोर सोनोने, भास्कर धोत्रे, गोकुळ चव्हाण, उमेश पराये, सुलतान पठाण, खुशाल नेमाडे, एजाज अहेमद, श्रीकांत पातोंड, राहुल गायकवाड, मोहम्मद आमीर, आकाश मानकर, राज चंदेल, धिरज वानखडे, अभिषेक पाठक, स्वप्नील खेडकर, अन्सार अहेमद, स्वप्नील चौधरी अशोक सोनवणे, सतिश पवार,, प्रशांत कमलाकर, तसेच सायबर शाखेचे पो.अं. गोपाल ठोंबरे, आशिष आमले, राहुल सानप, स्वप्नील दामोदर, गणेश कुहिले यांनी केली.
टिप्पण्या
टिप्पणी पोस्ट करा