political-ncp-maharashtra-akl: मदन भरगड यांची राष्ट्रवादी कांग्रेस पक्षाच्या महाराष्ट्र प्रदेश उपाध्यक्षपदी नियुक्ती

भारतीय अलंकार न्यूज 24

नीलिमा शिंगणे जगड 

अकोला: माजी महापौर मदन भरगड यांची राष्ट्रवादी काँगेस पक्षाच्या महाराष्ट्र प्रदेशच्या उपाध्यक्षपदी नियुक्ति करण्यात आली आहे.

मुंबई येथील राष्ट्रवादी कांग्रेस पक्षाच्या कार्यालयात राष्ट्रीय अध्यक्ष तथा उपमुख्यमंत्री अजित पवार व प्रदेशाध्यक्ष सुनील तटकरे यांच्या हस्ते मदन भरगड यांना प्रदेश उपाध्यक्षपदाचे नियुक्ति पत्र देण्यात आले आहे.

मदन भरगड यांच्या राष्ट्रवादी कांग्रेस पक्षात प्रवेशासाठी उपमुख्यमंत्री अजित पवार 12 जूनला अकोला आले होते .त्यांच्या प्रमुख उपस्थितीत मदन भरगड यांनी राष्ट्रवादी कांग्रेस पक्षात प्रवेश केला होता.

मदन भरगड यांच्या प्रवेशामुळे राष्ट्रवादी कांग्रेस पक्षाला निश्चित फायदा होईल असे आपल्या भाषणात उपमुख्यमंत्री अजित पवार यांनी म्हटले होते.

मदन भरगड अकोला महापालिकेच्या महापौर, नगरसेवक, विरोधीपक्षनेता, स्थायी समिती सदस्य,बांधकाम सभापती विविध पदावर राहून कार्य केले आहे.

मदन भरगड यांनी आपल्या महापौर पदाच्या अडीच वर्षाच्या कार्यकाळात 400 कोटीचे व नगरसेवकाच्या पदावर राहून अनेक विकास कार्य केले आहे त्या मधे 132 कोटीची भूमिगत गटार योजना, 132 कोटिचे एकात्मिक रास्ता विकास प्रकल्प योजना, गणगौर घाट व गणेशघाटाचे निर्माण, स्मशानभूमि व कब्रस्तानाचे सौंदर्यकरण, घरकुल योजना व दलितबस्ती सुधार योजना अंतर्गत कोटयावधि रूपयाचे विकास कार्य केले होते. हार्ट सर्जरी,ब्रेन ट्यूमर, केंसर, किडनी फेल्युअर, एड्स सारखी मोठ्या आजारासाठी शहराच्या जनतेला आर्थिक मदत करण्याचे निर्णय केले होते.

शहराच्या गणेश भक्तांना प्रोत्साहित करण्यासाठी श्रीभक्त सन्मान योजना सुरु केली होती. बीजिंग ओलंपिक स्पर्धेकरिता भारताचे बॉक्सरची निवड  व्हावी या करिता महापौर सुपर कप बॉक्सिंग स्पर्धेचे आयोजन केले होते.

यावेळी आमदार अमोल मिटकारी जिल्हाध्यक्ष बदरुजमा, काशीराम साबले, प्रतिभा अवचार, अमोल कालने, संध्या वाघोडे, उज्वला राउत, अभिषेक भरगड, किशोर तेलगोटे उपस्थित होते.