भारतीय अलंकार न्यूज 24
नीलिमा शिंगणे जगड
अकोला: पोलीस स्टेशन तेल्हारा हद्दीतील अल्पवयीन मुलीस फुस लावुन पळवुन नेणारा आरोपी पखवाज वादकास एल.सी.बी. अकोला पथकाने राजणंगाव, पुणे येथुन अटक केली आहे.
याबाबत सविस्तर वृत्त असे की, 19 जुलै 2025 रोजी पो.स्टे. तेल्हारा येथील दाखल अपराध क्रमांक 213/2025 कलम 137 (2) भारतीय न्याय संहिता मधील अपहृत मुलीला गावातील युवकाने फुस लावुन पळुन नेली असावी, अशा शक्यतेने पोलिसांनी तपास केला. मात्र काही मिळुन येत नव्हते. तेव्हा अत्यंत हालाखीच्या परिस्थीतीत असलेल्या पिडीतीच्या आई वडीलांनी परिसरातील प्रतिष्ठीत नागरिक मार्फत पोलीस अधीक्षक अर्चित चांडक यांना मुलीचा शोध घेण्याची विनंती केली. यानंतर पोलीस अधीक्षक यांनी एल.सी.बी. चे प्रमुख शंकर शेळके यांना पथक नेमुन समांतर तपास करून मुलीचा शोध घेण्याबाबत आदेशित केले.
स्थानिक गुन्हे शाखा, अकोलाचे पथकाने पिडीत मुलीचे नातेवाईक, गावातील लोक यांना विचारपुस केली असता असे लक्षात आले कि, चार महिन्यापुर्वी गावातील वारकरी सप्ताह निमित्त आरोपी प्रदिप दामोदार लासुरकार (वय 25 वर्ष रा. तळेगाव वडनेर, ता. तेल्हारा जि. अकोला) हा सप्ताहमध्ये किर्तनकार सोबत पखवाज वाजविण्यासाठी आला होता, तेव्हा त्याची अपहृत मुलीसोबत ओळख झाली होती.
गोपनिय माहिती व तांत्रीक माहितीच्या आधारे आरोपी प्रदिप दामोदर लासुरकार यानेच मुलीला पळुन नेल्याचे निश्पन्न झाले. परंतु त्यांनी त्याचा मोबाईल क्रमांक बंद केला होता. एल.सी.बी. च्या पथकाने गोपनिय माहितीच्या आधारे आरोपी यास रांजणगांव एम.आय.डी.सी., पुणे येथील एका फ्लॅट मधुन अटक करून अपहृत मुलीची सुटका केली.
पुढील कार्यवाहीसाठी सदर आरोपीस पो.स्टे. तेल्हारा, अकोला यांचे ताब्यात देण्यात आले आहे.
Video ⬇️
पखवाज वादकास अटकसदरची कार्यवाही पोलीस अधिक्षक अर्चित चांडक, अपर पोलीस अधिक्षक बी. चंद्रकांत रेड्डी यांचे मार्गदर्शनाखाली पो.नि. शंकर शेळक स्थानिक गुन्हे शाखा अकोला व स्था.गु.शा. येथील पो.उप.नि. गोपाल जाधव, अमंलदार सुलतान पठाण, राज चंदेल, सतिश पवार, राहुल गायकवाड मनिष ठाकरे तसेच सायबर शाखेचे पो.अं. गोपाल ठोंबरे यांनी केली.
टिप्पण्या
टिप्पणी पोस्ट करा