akola-to-karanja-lad-highway: अकोला ते कारंजा लाड महा मार्गावरील पिंजर नजीकचे वळण ठरताहे अपघात प्रवण स्थळ

ठळक मुद्दे

*आतापर्यंत 35 च्यावर अपघात

*या पंधरवड्यात चार मोठी वाहने पलटी

*फलक लावण्याची मागणी 

भारतीय अलंकार न्यूज 24

नीलिमा शिंगणे जगड 

अकोला: अकोला ते कारंजा लाड महा मार्गावरील पिंजर नजीकचे वळण रोजचे अपघातास निमंत्रण देत असून अपघात प्रवण स्थळ ठरले आहे. काल रात्री याठिकाणी एक ट्रक पलटी झाला आहे. सुदैवानं यात कोणताही जीवित हानी झाली नाही. मात्र मोठं आर्थिक नुकसान झाले आहे. अलीकडेच यास्थळी चार मोठे ट्रक पलटी झाले आहेत तर जवळपास 35 च्या वर छोटे मोठे अपघात झाले असल्याचे समजते.

तर मोठया दुर्घटनेस कारणीभूत ठरणार 

येथे वाहने थेट पलटी होतात. आतातर येथुन रोडला लागुनच गॅस लाईन सुद्धा जात आहे. गॅस लाईनचे काम सुरू आहे. ही गॅस लाईन चालु झाल्यावर जर ईथे असे अपघात झालेत तर स्फोट होऊन मोठी दुर्घटना होण्यास ईथली परीस्थीती कारणीभूत ठरु शकते. ईथे आजुबाजुला बागायती शेती असल्याने बरेच शेतकरी शेतमजूर रात्रंदिवस शेतात असतात. यामुळे तात्काळ संबंधितांनी लक्ष देऊन हा परिसर सेफ्टी झोन करण्याची नितांत गरज आहे. 

गतिरोधक टाकण्याची मागणी

बार्शीटाकळी ते पिंजर मार्गे कारंजा पर्यंत वाहनांना धडकणारे चुकीच्या पद्धतीने टाकलेले गतीरोधक काढुन टाकावे. त्याच ठीकाणी स्लायडींग गतीरोधक टाकावे जेणेकरून अपघात पण होणार नाहीत आणि वाहनधारकांना नुकसान  पोहचणार नाही, अशी मागणी नागरिकांनी केली आहे.

35 च्यावर अपघात 

बार्शीटाकळी ते पिंजर मार्गे कारंजा रोडवर वाहन धारकांना अपघात प्रवण स्थळ, अरुंद पुल, अरुंद रस्ता, टर्न, ईतर ठिकाणे दिसण्यासाठी दिशादर्शक बोर्ड येलो, व्हाईट लाईन मार्क वैगरे लावलेले नाहीत. खास करुन या टर्नवर आतापर्यंत 35 च्यावर अपघात झालेले आहेत. जानेवारी महिन्यातच पंधरा दिवसात चार वेळा मोठी वाहने पलटी झाली आहे. यासह याच ठीकाणी आतापर्यंत सात मोठे कंटेनर, दोन ट्रक, बारा कार बाकी ईतर ऑटोरिक्षा, दुचाकी पलटी होऊन अपघात झालेले आहेत. ईथे विषेश म्हणजे ट्रकसह बरेच पलटी झालेल्या वाहनातुन तसेच विशेष:त एका वॅगनआर कार मधील अपघातात तर दोन लहान मुल दोन महीलांना येथीलच मानव सेवा आपत्ती व्यवस्थापन फाऊंडेशनच्या संत गाडगेबाबा आपत्कालीन शोध व बचाव पथकाच्या जवानांनी तात्काळ घटनास्थळावर पोहचुन तातडीने मदत करुन सुरक्षित बाहेर काढून रुग्णालयात दाखल केलेले आहे. ईथल्या पाॅईन्टसह यामार्गावरील अपघात ग्रस्त संभाव्य पाॅईन्टची पाहणी करुन ते सुरक्षित करावे ही मागणी आता परीसरातुन जोर धरत आहे. जर सार्वजनिक बांधकाम विभागासह संबंधितांनी तसेच लोकप्रतिनिधींनी लक्ष देऊन सुरक्षित नाही केले तर येथे आणी या रोडवरील अणेक अशा संभाव्य अपघात ठीकाणी मोठ्याप्रमाणात दुर्घटना होण्याची शक्यता नाकारता येत नाही, मानव जीव रक्षक दीपक सदाफळे यांनी म्हंटले आहे.

आणखी किती अपघात हवे?

आणखी किती अपघात हवेत आणखी किती जीव जायला हवे म्हणजे तुम्ही बार्शीटाकळी ते पिंजर मार्गावरील संभाव्य अपघात ठीकाणे सुरक्षित करणार, असा संतप्त सवाल नागरिकांनी शासनास केला आहे.