akola-city-crime-thief-arrest--: तूरडाळ चोर जेरबंद; जुने शहर व डाबकी रोड परिसरातील आरोपींकडून कट्टे जप्त

ठळक मुद्दा 

ट्रक मधुन तुर दाळ चोरी करणारे आरोपीवर स्थानिक गुन्हे शाखा अकोला यांची कार्यवाही.

भारतीय अलंकार न्यूज 24

नीलिमा शिंगणे जगड 

अकोला: रिधोरा पेट्रोल पंप जवळ उभ्या असलेल्या ट्रक मधून 27 कट्टे तुरडाळ चोरी करणारे आरोपींना स्थानिक गुन्हे शाखा अकोला पथकाने जेरबंद केले आहे. तूर डाळ चोरी करणारे हे चारही आरोपी डाबकी रोड व जुने शहर परिसरातील रहिवासी आहेत. आरोपींना पुढील तपास कामी बाळापूर पोलीस स्टेशन सोपिविण्यात आले आहे.

बाळापुर पोलीस स्टेशन (जि. अकोला) येथे 18 जानेवारी रोजी फिर्यादी  जाकीर हुसैन शेख रहीम उदीन (वय वर्ष 46 वय रा. भिम नगर जुनेशहर अकोला) यानी फिर्याद दिली की, 17 जानेवारी रोजी त्याचा मालकीचा ट्रक ज्यामध्ये तुरीचे दाळीचे कटटे असुन, तो ट्रक रिधोरा पेट्रोल पंप येथे उभा केला असता, ट्रक मध्ये असलेले तुरीचे दाळीचे 27 कटट्टे ज्याची कीं. अं.40,000/- रू चा मुदद्दे‌माल कोणीतरी अज्ञात चोरटयाने चोरी घेवुन गेले आहेत, अशा फिर्यादीचे जबानी रिपोर्ट वरून पो स्टे बाळापुर अकोला येथे अप क 24/2025 कलम 303(2) भारतीय न्याय सहींता प्रमाणे गुन्हा दाखल असुन तपासावर आहे.

सदर गुन्हयात पोलीस स्टेशन बाळापुर सह समांतर तपास करण्याचे आदेश पोलीस अधिक्षक बच्चन सिंह यांनी दिल्यावरून सदर गुन्हयाच्या तपासा दरम्यान गोपनिय माहीती प्राप्त केली असता यातील आरोपी  पवन अनिल काळे (वय वर्ष मजुरी रा. गायत्री नगर बाळापुर नाका अकोला), अवि राजु सोयाम (वय 21 वर्ष. व्यवसाय मजुरी रा. गोंड पुरा डाबकी रोड, अकोला ), संतोष देविदास आलोट (वय 29 वर्ष व्यवसाय मजुरी रा. गायत्री नगर, रूद्रअवतार हनुमान मंदीर राजेश्वर कॉलनी बाळापुर नाका, अकोला) , संजय गजानन उगवेकर ऑटो रिक्षा चालक (वय 30 वर्ष रा. शिवसेना वसाहत शिवाजी चौक अकोला) यांना ताब्यात घेवुन विचारपुस केली असता, त्यांनी गुन्हयाची कबुली दिली. त्यांचे कडुन गुन्हयात चोरी गेलेले तुरदाळचे 19 कट्टे कि. 28,500 तसेच गुन्हयात आरोपीतांनी चोरी करून माल वाहुन नेण्याकरीता वापरण्यात आलेला ऑटो रिक्षा क्रमांक MH-30-BC-3789 कि अं तीन लाख ररुपये असा एकुण 3,28,500 रूपयेचा माल जप्त करण्यात आला असुन नमुद आरोपी तसेच जप्त मुद्देमाल पोलीस स्टेशन बाळापुर येथे पुढील तपास करीता देण्यात आले आहे.

सदरची कार्यवाही पोलीस अधिक्षक बच्चन सिंह , अपर पोलीस अधिक्षक,  अभय डोंगरे यांचे मार्गदर्शना खाली पो. नि. शंकर शेळके, स्थानिक गुन्हे शाखा, अकोला. सहा. पोलीस निरीक्षक विजय चव्हाण, पोउपनि. गोपाल जाधव, पोहवा फिरोज खान, उमेश पराये, खुशाल नेमाडे, सुलतान पठाण, पो.कॉ अभिषेक पाठक, आकाश मानकर, धिरज वानखडे, मो. आमीर, चालक. पो. हवा. अक्षय बोबडे यांनी केली,