obstructing-official work-akola: पोलीस अंमलदार यांना मारहाण करणाऱ्या आठ आरोपींना अटक; टिळक रोड वरील घटना

ठळक मुद्दा 

पोलीस स्टेशन रामदासपेठ येथील पोलीस अंमलदार यांचे शासकीय कामात अडथळा निमार्ण करणा-या 08 आरोपीतांना गुन्हयात अटक करण्यात आली आहे.

भारतीय अलंकार न्यूज 24

नीलिमा शिंगणे जगड 

अकोला: महाराष्ट्र विधानसभा निवडणुक मतमोजणीच्या दिवशी काल शनिवारी दुपारी 3 वाजताच्या सुमारास अकोला पश्चिम मतदार संघात काही इसम टिळक मार्ग माळीपुरा चौक परिसरात रस्त्यावर उतरून जल्लोष करीत होते. यामुळे वाहतुकीस अडथळा निर्माण झाला होता. याबाबत तेथे कर्तव्यावर असलेले पोलीस अंमलदार यांनी या लोकांना समजावले. मात्र या जमावाने पोलीस अंमलदार यांनाच मारहाण करण्यास सुरूवात केली. घटने नंतर याबाबतचा व्हिडिओ सोशल मीडियावर प्रचंड व्हायरल झाला आहे. 

या प्रकरणातील दोषींवर अकोला पोलीसांनी कारवाई केली असून, आज रामदास पेठ पोलिसांनी आठ आरोपींना अटक केली आहे. पोलिसांनी या आरोपींना अटक करुन रस्त्याने पायी चालवत नेले. यावेळी नागरिकांनी अकोला पोलिसांचे अभिनंदन केले.

पो.स्टे. रामदासपेठ, अकोला येथील पोलीस अंमलदार हे 23 नोव्हेंबर रोजी त्याचे कर्तव्य बजावत असतांना आरोपीतांनी संगनमत करून शासकीय कामात अडथळा निर्माण केला होता. त्याबाबत तात्काळ पोलीस स्टेशन रामदासपेठ, अकोला येथे फिर्यादीच्या जबानी रिपोर्ट वरून अपराध क्रमांक 406/2024 कलम 132,3 (5) बि.एन.एस प्रमाणे गुन्हा दाखल करून तपासात घेतला.

गुन्हयाच्या तपासात घटनास्थळावरील व्हिडीओची पाहणी केली असता,  घटनेत 05 पेक्षा जास्त आरोपीतांचा सहभाग निष्पन्न झाला. आरोपीतानी बेकायदेशीर जमाव जमवुन सामुहीक इरादयाने फिर्यादी करत असलेल्या शासकीय कामात अडथळा निर्माण केल्याने गुन्हयात कलम 189(2), 189(3) (5),191(2), 190 बि.एन.एस सहकलम 135 मपोकों प्रमाणे वाढ करण्यात आली आहे.

गुन्हयातील आरोपीतांना गुन्हयात अटक करणे कामी पोस्टे स्तरावर वेगवेगळे पथक तयार करून घटनास्थळावरील सि.सि.टी.व्ही व गोपनीय बातमीदारच्या मदतीने नमुद गुन्हयातील 08 आरोपीतांना 24 तासांच्या आत अटक करण्यात आली आहे.

यामध्ये आरोपी तौफीक खान शब्बीर खान (वय 34 वर्ष रा. संजय नगर मोहम्मदीया मस्जीद जवळ नायगाव अकोला), मोहम्मद अबुबखर रफीक कुरेशी (वय 25 वर्ष रा. कागजीपुरा अकोला), मोहम्मद आदील खत्री मोहम्मद अख्तर खत्री (वय 27 वर्ष रा. कागजीपुरा अकोला), इरशाद हुसेन लियाकत हुसेन (वय 30 वर्ष रा. इनामपुरा अकोला), अब्दुल सादीक अब्दुल बशीर (वय 32 वर्ष रा. संजय नगर इक्बाल कॉलनी अकोला),  अजीम खान इकबाल खान (वय 32 वर्ष रा. लाल साहेब चौक काळी मस्जीद जवळ, अकोला), जावेद खान जिलानी खान (वय 29 वर्ष रा. भारत नगर अकोट फाईल अकोला), सैयद अशरफ सैयद मकसूद (वय 70 वर्ष रा. अल्लु पहेलवान याचे घरा जवळ नवाबपुरा अकोला) यांना अटक करण्यात आली आहे.

गुन्हयाच्या तपासात घटनास्थळावरील व्हिडीओ फुटेज पळताळणी करून गुन्हयात आणखी आरोपी निष्पन्न होणार आहेत. तसेच कायदे मोडणा-यांच्या विरूध्द अकोला पोलीसांची कडक कार्यवाही सुरू राहणार आहे. याकरीता कोणीही कायदयाचे उल्लघन करू नये, असे आवाहन अकोला पोलिसांनी केले आहे.