prakash-ambedkar-in-hospital: ॲड. प्रकाश आंबेडकर पुण्यातील रुग्णालयात दाखल; प्रकृति स्थिर

   file photo 

भारतीय अलंकार न्यूज 24

नीलिमा शिंगणे जगड 

अकोला: वंचित बहुजन आघाडीचे राष्ट्रीय अध्यक्ष ॲड. प्रकाश उर्फ बाळासाहेब आंबेडकर यांना छातीत दुखू लागल्याने आज गुरुवारी पहाटे (31 ऑक्टोबर) पुण्यातील रुग्णालयात दाखल करण्यात आले असल्याची माहिती विश्वसनीय सूत्रांनी दिली आहे.

बाळासाहेब आंबेडकर यांच्या हृदयात रक्ताची गुठळी झाल्यामुळे त्यांच्यावर आयसीयूमध्ये उपचार सुरू आहेत. सध्या त्यांची प्रकृती स्थिर असून,  त्यांची अँजिओग्राफी करण्यात येणार असल्याचे सांगण्यात आले.

आंबेडकर कुटुंबाने विनंती केली आहे की, कुणीही प्रश्न विचारून व्यत्यय आणू नये. कुटुंबाच्या गोपनीयतेच्या विनंतीचा आदर करावा. 

पुढील 3 ते 5 दिवस बाळासाहेब डॉक्टरांच्या  निरीक्षणात राहणार आहेत. वंचित बहुजन आघाडीच्या प्रदेशाध्यक्षा रेखाताई ठाकूर, निवडणूक समन्वय समिती, जाहीरनामा समिती आणि माध्यम आणि संशोधन विभागाच्या सहकार्याने पुढील काही दिवस वंचित बहुजन आघाडीच्या प्रचाराचे नेतृत्व करणार आहेत.

बाळासाहेब आंबेडकर लवकर बरे व्हावेत, अशी प्रार्थना सर्व कार्यकर्ते चाहते करीत आहेत.