navratri-garba-festival-akola: मुंगीलाल बजोरिया विद्यालय प्रांगणात गरबा महोत्सव; यंदा हायटेक रोबोट आरती व सेलिब्रेटींची उपस्थिती

ठळक मुद्दा 

3 ते 11 ऑक्टोबर पर्यंत चालणार भक्तिभाव व पारंपरिक कलेचा रंगारंग गरबा  

भारतीय अलंकार न्यूज 24

ॲड. नीलिमा शिंगणे जगड 

अकोला: श्री गुजराती सेवा समिती अकोला द्वारा संचालित श्री गुजराती नवरात्री महोत्सव समितीच्या वतीने महानगरातील मुंगीलाल विद्यालयाच्या प्रांगणात गुरुवार दि 3 ऑक्टोबर ते शुक्रवार 11 ऑकटोबर पर्यंत गरबा  महोत्सव आयोजित करण्यात आला असून, यावर्षीही या गरबा महोत्सवात नागरिकांसाठी गुजराती विश्वाची अस्सल सांस्कृतिक व पारंपरिक लोककला गरब्याच्या रूपाने बघावयास मिळणार असल्याची माहिती रविवारी स्थानीय  मुंगीलाल बाजोरिया विद्यालय प्रांगणात आयोजित गरबा महोत्सवाच्या पत्रकार परिषदेत समितीचे हरीश लाखानी यांनी दिली.

समितीचे अध्यक्ष वालजी पटेल, हेमेन्द्र राजगुरू, मनोज भीमजियानी, दिनूभाई सोनी, आशीष वखारीया, अरविंद पटेल, कपिल ठक्कर, महिला मंडळाच्या शीतल रुपारेल, अनिषा वखारिया आदी पदाधिकारी उपस्थित होते.

यावर्षी हा महोत्सव सेलिब्रेटीच्या उपस्थितीत करण्याचा समितीचा मानस असून प्रेक्षकांच्यासाठी तारक मेहता का उलटा चष्मा फेम सुप्रसिद्ध कलाकार दयाबेन यांच्या सारखी हुबेहूब दिसणारी गुजराती विश्वाची डमी कलाकार गुजरात येथून या महोत्सवात आपली उपस्थिती दर्शविणार असून व्यापार, उद्योग, सांस्कृतिक, शैक्षणिक व राजकिय क्षेत्रातील अनेक मान्यवरांची मांदियाळी या महोत्सवात दिसणार असल्याचे यावेळी सांगण्यात आले.

महोत्सवात प्रथमच मातेची आरती रोबोट ने करण्यात येणार असून हा गरबा हायटेक करण्याचा प्रयत्न करण्यात येणार आहे. उत्सवात प्रवेश मेन हॉस्पिटल समोरील मुंगीलाल बाजोरिया विद्यालयाच्या मुख्य प्रवेशद्वारातून असून आत मध्येच दुचाकी व चारचाकी वाहनांच्या पार्किंगची प्रशस्त व्यवस्था करण्यात आली आली आहे. गरबाच्या भव्य स्टेजवर अनेक वर्षांपासून राज्यात पारंपरिक गरबा  संगीत व गीत गाणारी अनुभवी अरुण मोदी, श्वेता मोदीं व राकेश चौहान ची एआर संगीत टीम  बेंजो व ढोलकीच्या पारंपरिक वाद्यांवर संगीत उधळणार असल्याचे यावेळी सांगण्यात आले.

मातेच्या पूजा अर्चना व जागरणाचे प्रतीक म्हटल्या जाणाऱ्या या नवरात्राच्या  गरबा  महोत्सवात घट स्थापना, दैनिक चंडीपाठ, दैनिक आरती, पूजन करण्यात येणार असून अष्टमी दिनी प्रांगणात होम हवन करण्यात येत येणार आहे. यावेळी पुरुष गरबा प्रेमी साठी गरबा खेळण्याची विशेष व्यवस्था प्रांगणात करण्यात आली असून मातृशक्तीने अस्सल भारतीय पारंपरिक पेहरावतच प्रांगणात  गरबा खेळून भारतीय संस्कृती व सभ्यता जपावी तसेच युवावर्गानेही मातृशक्तीच्या या जागरण महोत्सवात कोणताही अनुचित प्रकार होणार नाही याची दक्षता घेत समितीला सहकार्य करावे, असे आवाहन समितीचे हरीश लाखानी यांनी यावेळी केले.

या गरबा महोत्सवात मातृशक्तीची सुरक्षितता व आसन व्यवस्था संदर्भात समितीने चोख  व्यवस्था निर्माण केली असून पुरुष वर्गासाठी स्वतंत्र बसण्याची व्यवस्था राहणार आहे. तसेच प्रवेश हा पासेस द्वारेच देण्यात येणार आहे. प्रांगणात सीसीटीवी व महिला गार्डची व्यवस्था व स्वतंत्र अल्पोपहार झोन राहणार असून यात स्वादिष्ठ व्यंजनासोबतच आनंद मेळ्याच्या धर्तीवर विविध प्रकारच्या खेळांचे स्टाल लावण्यात येणार आहेत.

उत्तम विद्युत व ध्वनी व्यवस्था हे या महोत्सवाचे खास आकर्षण राहणार आहे. महोत्सव चांगल्या पद्धतीने व्हावा यासाठी प्रशासनाच्या सूचना व निर्देशांचे वेळोवेळी पालन करण्यात येणार आहे.

गरबा महोत्सवात यावर्षीही भरपूर व आकर्षक पुरस्कार देण्यात येणार आहेत. तसेच उत्तम गरबा  खेळणाऱ्या महिला-मुलीस पुरस्कार प्रदान करण्यात येणार आहे. गुरुवार दि 3 ऑक्टोबर रोजी घट स्थापना दिनी सायं.7 वाजता मुंगीलाल बाजोरिया विद्यालय प्रांगणात मान्यवरांच्या उपस्थितीत आयोजित या गरबा महोत्सवाच्या उदघाटन सोहळ्यास व नित्य गरबा खेळण्यास नागरिक महिला-पुरुषांनी मोठ्या संख्येने उपस्थित राहण्याचे आवाहन यावेळी करण्यात आले.आभार हेमेन्द्र राजगुरू यांनी मानलेत.

पत्रकार परिषदेत विनोद धाबलिया, प्रकाश लोढीया, भरत मकवाना, किरीट शाह, पराग शाह,विशाल शाह, पियुष संघवी, दर्शन शाह, कपिल ठक्कर, जगदीश पटेल,भारतु भाटिया, प्रफुल सोनी, अमरीश पारेख, प्रशांत शाह, अशोक पटेल, जयंत संघवी, दुशंत निमावट, संजय कोरडीया, सुनील कोरडीया, मुकेश कोठारी, शीतल रुपारेल, नर्मदा पटेल, मधू कुराणी, किरण मेहता, इंदु जोशी, मनीषा जोशी, शारदा परमार, निता संघवी, कविता बाविशी, निलिमा वोरा, नर्मदा पटेल, छाया लाखानी, हिना राजगुरू, संगीता भीमजियानी, पूनम गोहेल,निता पंड्या, प्रज्ञा पंचमीया, हंसा भाटिया, धर्मिष्ठा वखारीया, सरला मेहता आदी महिला - पुरुष पदाधिकारी उपस्थित होते.