ready-made-cloth-shop-stole: रेडीमेड कापड दुकानांचे शटर वाकवुन चोरी करणारी उत्तर प्रदेश येथील टोळी गजाआड

भारतीय अलंकार न्यूज 24

नीलिमा शिंगणे जगड 

अकोला : शहरातील सिव्हिल लाइन्स पोलीस आणि रामदास पेठ पोलिस ठाण्याच्या हद्दीत चोरट्यांनी दोन कापड दुकानासह इतर तीन दुकानात शटर तोडून चोरी केली होती. या कपडे  चोरट्यांना अकोला स्थानिक गुन्हे शाखेने अटक केली. 16 जुलैच्या मध्यरात्रीत सुमारे 5 चोरट्यांनी एल. आर. टी. महाविद्यालय रोड वरील दोन मोठ्या कपड्याच्या दुकानात म्हागड्या कपड्यांसाठी चोरी केली होती. या चोरट्यांनी दुकानाच शटर वाकवून दुकानात प्रवेश केला होता. हा संपूर्ण प्रकार सीसीटीव्हीत कैद झाला होता. चोरट्यांनी आपल्या पसंदीचे कपडे यावेळी निवडले आणि तेथून पोबारा केला होता. अकोला पोलिसांनी लातूर पोलिसांच्या मदतीने उत्तर प्रदेश येथील 4 चोरट्यांना अटक केली. तर यातील 1 चोरटा अद्यापही फरार असून त्याचा शोध घेत आहे.

पोलीस स्टेशन सिव्हील लाईन हद्दीत 16 जुलै रोजी रात्री नेकलेस रोड वरील तायबा कलेक्शन व जे.जे अनेक्स या कापड दुकानाचे शटर वाकवुन तसेच श्री. बालाजी ऑटोमोबाईल स्पेअर पार्ट दुकान व जठारपेठ चौकातील वैशाली ड्रायफुटचे दुकान व आनंद झेरॉक्स सेंटर या दुकानाचे अज्ञात चोरटयांनी शटर वाकवुन दुकानातील मुद्देमाल व रोख रक्कम चोरून नेली होती. या चोरट्यांना उत्तर प्रदेश येथून अकोला पोलिसांनी गजाआड केले.

पोलीस स्टेशन सिव्हील लाईन, पोलिस स्टेशन रामदासपेठ अकोला येथे अज्ञात आरोपी विरूध्द 03 चोरीचे गुन्हे नोंद करण्यात आले होते. गुन्हा घडल्यावर विविध घटना स्थळावरून सि.सि.टी.व्ही फुटेज मध्ये संशयीत आरोपीचे चेहरे स्पष्ट होते. त्यांची ओळख पटवुन गुन्हे उघडकीस आणण्याचे आव्हान होते. हे फोटो राज्यात व ईतर राज्यात प्रसिध्द करून गोपनिय सोर्स व तांत्रिक विश्लेषनावर आरोपीचा सहभाग निष्पन झाला होता.

स्थानिक गुन्हे शाखेचे एका पथकाने भुसावळ पर्यत पाठलाग केला होता. रात्री उशीरा स्थानिक गुन्हे शाखा अकोला यांना आरोपी हे उत्तर प्रदेश असुन त्यांचे मोहम्मद राशीद उर्फ गब्बरू मोहम्मद मुशाहीद, रा. शहाजमाल, किथोर ता. मवाना जि. मेरठ, (उत्तर प्रदेश), मोहम्मद सलमान मोहम्मद शोकीन रा. शाहाजमाल, ता. मवाना जि. मेरठ, (उत्तर प्रदेश),  मोहम्मद नदिम मोहम्मद बुदुखॉ रा. मसुरी ता. जि. गाजियाबाद, मोहम्मद नदिम मोहम्मद कल्लु रा.मसुरी ता.जि. गाजियाबाद (उत्तर प्रदेश) हे असल्याचे निष्पन्न झाले.

पथक भुसावळ वरून परत येत असतांना तेच आरोपी लातुर येथे असल्याची गोपनिय माहीती प्राप्त झाली. पथक लातुर येथे तात्काळ पोहचणे शक्य नसल्याने स्थानिक गुन्हे शाखा अकोलाचे प्रभारी अधीकारी पोलीस निरीक्षक शंकर शेळके यांनी स्थानिक गुन्हे शाखा, लातुर यांचे सोबत संर्पक साधुन आरोपी कोठे थांबले आहेत या बाबत सर्व माहीती दिली होती.  लातुर येथे गुन्हा करण्या पुर्वीच स्थानिक गुन्हे शाखा, अकोला यांचे माहीती वरून स्थानिक गुन्हे शाखा, लातुर यांनी आरोपींना ताब्यात घेतले.

अकोला पोलिसांना याबाबत माहीती मिळाल्याने सदर आरोपी हे भारतभर मुख्य शहरात मध्ये अशा प्रकारे गुन्हे करणार होते होणा-या गुन्हयाला प्रतिबंध बसुन आरोपी जेरबंद करण्यात आले.

सदर आरोपीतांनी अकोला येथील तायबा कलेक्शन सह ईतर दुकानांचे शटर वाकवुन चोरी केल्याची कबुली दिली आहे. त्यावरून स्थानिक गुन्हे शाखा, अकोला येथील पो.उप.नि. आशिष शिंदे व 08 अमंलदार यांनी सदर आरोपी लातुर न्यायालयाचे परवानगी ने अटक करून अकोला येथे पुढील कार्यवाही करीता घेवुन आले.

ही कार्यवाही पोलीस अधीक्षक बच्चन सिंह, अपर पोलीस अधिक्षक अभय डोंगरे यांचे मार्गदर्शना खाली पोलीस निरिक्षक शंकर शेळके, स्थानिक गुन्हे शाखा, अकोला व पोउपनिरिक्षक आशिष शिंदे, स्थानिक गुन्हे शाखा येथील पोलीस अंमलदार, सुलतान पठान, वसिमोद्दीन, आकाश मानकर, लिलाधर खंडारे, अभिषेक पाठक, स्वप्निल चौधरी, मोहम्मद आमीर, सतिश पवार, विजय कबले तसेच सायबर सेल चे अंमलदार आशिष आमले यांनी पार पाडली.