educational-CA-students-akl: सीए विद्यार्थ्यांचे शैक्षणिक साहित्य प्रवाही- सीए डॉ. राजकुमार अडुकिया

भारतीय अलंकार न्यूज 24

नीलिमा शिंगणे जगड 

अकोला: सीए शाखेच्या विद्यार्थ्यांसाठी बोर्ड ऑफ स्टडीज आयसीएआय सातत्याने शैक्षणिक साहित्य निर्माण करीत असून भारतात व विदेशात सीए ची परीक्षा जेथे होते तेथे शैक्षणिक साहित्य व सिल्याबस बोर्ड ऑफ स्टडीज निर्माण करीत असतो. या शैक्षणिक साहित्याच्या माध्यमातून विद्यार्थी पहिल्याच प्रयत्नात सफल होणे यासाठी बोर्ड ऑफ स्टडीज सातत्याने प्रयत्न करीत असल्याचे मत आयसीएआय सेन्ट्रल कौन्सिल सदस्य व बोर्ड ऑफ स्टडीजचे चेअरमन डॉ राजकुमार अडुकिया यांनी व्यक्त केले. 

स्थानीय तोष्णीवाल लेआउट परिसरातील आयसीएआय अकोला शाखेच्या वतीने वतीने आयोजित पत्रकार परिषदेत सीए डॉ अडुकिया सीए विद्यार्थ्यांच्या शैक्षणिक साहित्य निर्मितीच्या संदर्भात माहिती देत होते.

आयसीएआय अकोला शाखेचे चेअरमन सीए सुमित अलीमचंदानी, शाखेचे सचिव सीए हिरेन जोगी,सीए रमेश चौधरी यावेळी उपस्थित होते. 

सनदी लेखापाल शाखेच्या विद्यार्थ्यां साठी बोर्ड ऑफ स्टडीज सातत्याने शैक्षणिक पॉलिसीच्या अनुषंगाने शैक्षणिक साहित्यात वारंवार बदल करीत करून ते अपडेट करीत असते. त्याचा लाभ विद्यार्थ्यांना सातत्याने होत असल्याचेही सीए डॉ अडुकिया यांनी यावेळी सांगितले. 

यावेळी सीए डॉ अडुकिया यांनी सीए शाखेतील विद्यार्थी शिक्षण, राष्ट्राच्या विकासात सनदी लेखापालची भूमिका तथा सनदी लेखापाल का व्हावे यावर सांगोपन माहिती देत शंकांचे निरसन केले. यावेळी त्यांनी सीएच्या परीक्षेत राष्ट्रातून द्वितीय आलेला महानगरातील युग कारिया व राष्ट्रीय रँक मध्ये अन्य तीन महानगरातील सीए विद्यार्थ्यांचा सन्मान केला.यावेळी आयसीएआय अकोला शाखेचे पदाधिकारी व विद्यार्थी उपस्थित होते.