supreme-court-lok-adalat: सर्वोच्च न्यायालयात प्रलंबित वाद तडजोडीने मिटविण्याची संधी; विशेष लोक अदालत सप्ताहाचे आयोजन

  file image 

भारतीय अलंकार न्यूज 24

अकोला दि. 10 : नवी दिल्ली येथील सर्वोच्च न्यायालयात दि. 29 जुलै ते 3 ऑगष्ट दरम्यान विशेष लोकअदालत सप्ताहाचे आयोजन करण्यात आले आहे. अकोला जिल्ह्यातील पक्षकारांची प्रकरणे सर्वोच्च न्यायालयात प्रलंबित असल्यास त्यांनी सहभागी व्हावे, असे आवाहन जिल्हा विधी सेवा प्राधिकरणाद्वारे करण्यात आले आहे. 

विशेष लोकअदालत सप्ताहात सर्वोच्च न्यायालयात प्रलंबित असलेली प्रकरणे तडजोडीसाठी ठेवली जाणार आहेत. लोक अदालतीमध्ये पक्षकार प्रत्यक्ष किंवा आभासी पध्दतीने सहभाग घेऊ शकतात. 

सर्वोच्च न्यायालयात प्रलंबित असलेली अकोला जिल्ह्यातील प्रकरणे विशेष लोक अदालतीमध्ये ठेवण्यासाठी संबंधित वकिलांना कल्पना द्यावी किंवा अधिक माहिती हवी असल्यास जिल्हा विधी सेवा प्राधिकरण किंवा संबंधित तालूका विधी सेवा समिती यांच्याकडे संपर्क साधावा, असे आवाहन जिल्हा विधी सेवा प्राधिकरणाचे अध्यक्ष आणि सचिव यांनी केले आहे.

लोकअदालतीचे फायदे

*साध्या व सोप्या पध्दतीने वाद मिटवता येतो.  

*झालेल्या तडजोडीचा निवाडा अंतिम व अंमलबजावणी होऊ शकणारा असतो. 

*वेळेची व पैशाची बचत होते. 

*तडजोड झाल्यास न्यायालयीन शुल्क परत मिळते.