incident-of-falling-tree-in-paras: पारस येथील दुर्घटनेतील मृतांच्या कुटुंबीयांना प्रत्येकी चार लाख रुपये मदत जाहीर; मुख्यमंत्री एकनाथ शिंदे यांनी व्यक्त केला शोक

file photo 

भारतीय अलंकार 24

मुंबई दि 10: अकोला जिल्ह्यातील पारस येथे बाबुजी महाराज संस्थानात सभामंडपावर झाड कोसळून झालेल्या दुर्घटनेवर मुख्यमंत्री एकनाथ शिंदे यांनी शोक व्यक्त केला आहे.

मृतांच्या कुटुंबीयांना प्रत्येकी चार लाख रुपये मदत त्यांनी जाहीर केली आहे. तसेच सर्व जखमींवर शासकीय खर्चाने व्यवस्थित उपचार करण्यात यावेत, असे निर्देश मुख्यमंत्र्यांनी दिले आहेत.

या दुर्घटनेत 7 भाविक ठार तर 23 जण जखमी झाले आहेत. या संदर्भात जिल्हा प्रशासनाकडून मुख्यमंत्र्यांनी माहिती घेतली.