Indian Navy: Shardul ship: आखाती देशांमधून वैद्यकीय साहित्य घेऊन आलेले शार्दुल जहाज मुंबईत दाखल

मुंबई: कुवेत आणि कतार या देशांतून द्रवरूप वैद्यकीय ऑक्सिजन भरलेले 7,640 सिलेंडर्स, प्रत्येकी 20 मेट्रिक टन द्रवरूप वैद्यकीय ऑक्सिजन असलेले 2 आयएसओ कंटेनर्स, आणि 15 ऑक्सिजन कॉन्सन्ट्रेटर्स घेऊन आलेले भारतीय नौदलाचे शार्दुल नामक जहाज आज 24 जून रोजी मुंबई बंदरात दाखल झाले.

कोविड-19 महामारीशी लढा

आखाती देशांमधून द्रवरूप वैद्यकीय ऑक्सिजन देशात वाहून आणण्यासाठी या जहाजाची नेमणूक करण्यात आली आहे. कोविड-19 महामारीशी लढा देण्याच्या देशाच्या प्रयत्नांना पाठींबा देण्यासाठी भारतीय नौदलाने सुरु केलेल्या समुद्र सेतू II मोहिमेचा भाग म्हणून ही नेमणूक करण्यात आली आहे, अशी माहिती संरक्षण मंत्रालयाने दिली आहे.