भारतीय अलंकार
अकोला: ग्रामपंचायत सार्वत्रिक निवडणूक २०२०-२०२१ करिता शुक्रवार १५ जानेवारी रोजी मतदान होणार आहे. मतदानाचे दिवशी मुक्त, निर्भय व पारदर्शक वातावरणात निवडणूका पार पाडण्याच्या दृष्टीने ठेवणे राज्य निवडणूक आयोगाने निर्देश निर्गमित केलेले असून, ग्रामपंचायत निवडणूकीच्या मतदानाच्या दिवशी सुट्टी व सवलत देण्यात आली आहे.
निवडणूक कार्यक्रमानुसार संबंधीत निवडणूक क्षेत्रातील सर्व दुकाने,आस्थापना ,निवासी हॉटेल्स, खाद्यगृहे, व्यापार, औद्योगीक उपक्रम किंवा इतर आस्थापना यामधील कामगारांना मतदानाच्या दिवशी १५ जानेवारी रोजी मतदानाचा हक्क बजावण्यासाठी भरपगारी सुट्टी जाहीर करावी.
निवडणूक होणा-या ज्या ग्रामपंचायतींच्या लगतच्या क्षेत्रात औद्योगीक वसाहती (MIDC) तसेच महानगर पालिकेसारख्या मोठया नागरी वसाहती वसलेल्या आहेत, अशा ठिकाणी नोकरी निमीत्ताने कामास येणा-या संबंधीत ग्रामपंचायतीं मधील मतदारांना मतदानाचा हक्क बजावता यावा या दृष्टीने अशा मतदारांना उक्त नमुद केलेल्या मतदानाच्या दिवशी भरपगारी सुट्टी, विशेष सवलत देण्यात यावी. शहरी भागात किंवा निवडणूका नसलेल्या भागातील दुकाने दुकाने, कंपन्या, वाणिज्यीक आस्थापना बंद ठेवण्याची आवश्यकता नाही.
जिल्ह्यातील निवडणूक क्षेत्रातील मतदारांना मतदानाचे दिवशी मतदानाचा हक्क बजावता यावा, या करीता मतदानाचे दिवशी शुक्रवार १५ जानेवारी रोजी सुट्टी जाहिर करणे, सवलत देणे बाबतचे आदेश जिल्हाधिकारी जितेंद्र पापळकर यांनी दिले आहेत.
आयोगाचे आदेशांचे पालन न केल्यास संबंधीत आस्थापनांविरूद्ध आवश्यक ती कारवाई करण्यात येईल,असे देखील आदेशात नमूद आहे.
टिप्पण्या
टिप्पणी पोस्ट करा