Bhartisingh: भारती सिंहला आज न्यायालयात हजर करणार

इंडियाज बेस्ट डान्सर या लोकप्रिय कार्यक्रमाचे भारती आणि हर्ष दोघेही सूत्रसंचालन करतात.

                                      फोटो:ट्विटर

भारतीय अलंकार

मुंबई: विनोदवीर भारती सिंहला काल NCB ने अटक केली.तिचा पती अभिनेता हर्ष लिंबाचीया याला चौकशी कामी ताब्यात घेतले असून,त्याच्यावर अटकेची टांगती तलवार आहे. तर भारतीला आज न्यायालयासमोर हजर करण्यात येणार असल्याची माहिती विश्वसनीय सूत्रांनी दिली. 

भारती सिंह आणि हर्ष लिंबाचीया या दोघांना NCB (Narcotics Control Bureau) ने समन्स बजावले होते. यानंतर भारतीच्या घरी आणि ऑफिस मध्ये धाड टाकून झडती घेतली. भारतीच्या घरी संशयित वस्तू सापडल्यानंतर NCB च्या अधिकाऱ्यांनी दोघांना शनिवारी सकाळी ताब्यात घेतले. चौकशीनंतर संध्याकाळी भारतीला NCB ने अटक केली. हर्षची चौकशी रात्री उशिरापर्यंत सुरु होती. आज त्याला अटक होण्याची शक्यता आहे. NCB चे झोनल निदेशक समीर वानखेडे यांच्या नेतृत्वात ही कारवाई करण्यात आली. भारतीच्या प्रॉडक्शन ऑफिस आणि घरातून ८६.५ ग्रॅम गांजा सापडला असून, गांजा घेत असल्याचे भारती आणि हर्षने NCB अधिकाऱ्यांसमोर कबूल केले आहे.

भारती आणि हर्ष असे अडकले जाळ्यात

एनसीबीने खार दांडा येथे कारवाई केली होती. या ठिकाणाहून एका २१ वर्षीय तरुणाला ताब्यात घेतले होते. त्याच्याकडे १५ बॉटल एल. एस. डी. हे ड्रग आणि ४० ग्राम गांजासह नेट्राझेपम हे ड्रग्स सापडले. या ड्रग्ज पुरवठा करणाऱ्या व्यक्तीच्या चौकशीत भारती सिंग आणि तिचा नवरा हर्ष यांचे नाव उघडकीस आले. 

करिअरची सुरवात

                                      फोटो:ट्विटर

भारतीने आपल्या करिअरची सुरवात 'दि ग्रेट इंडियन लाफटर चॅलेंज' या स्टँड अप कॉमेडी शो पासून करून लोकप्रियता प्राप्त केली होती. आज 'दि कपिल शर्मा शो' आणि 'इंडियाज बेस्ट डान्सर' या लोकप्रिय कार्यक्रमाचा ती एक भाग आहे. तर 'इंडियाज बेस्ट डान्सर' आणि  'खतरा खतरा खतरा' या कार्यक्रमाचे भारती आणि हर्ष दोघेही सूत्रसंचालन करतात.