police-misconduct-case-akola: कोठडीत महिलेसोबत गैरवर्तन: ASI वर फौजदारी गुन्हा दाखल; तात्काळ निलंबन!

अकोला पोलीस दलाला धक्का; वरिष्ठांकडून कडक कारवाई

भारतीय अलंकार न्यूज 24

नीलिमा शिंगणे जगड 

अकोला शहरातील सिव्हिल लाईन पोलीस ठाण्यात घडलेल्या एका धक्कादायक प्रकाराने पोलीस दलाच्या प्रतिमेला मोठा धक्का बसला आहे. कोठडीत असलेल्या महिलेसोबत गैरवर्तन केल्याप्रकरणी सहाय्यक पोलीस उपनिरीक्षक (ASI) राजेश जाधव यांच्यावर फौजदारी गुन्हा दाखल करण्यात आला असून त्यांना तात्काळ निलंबित करण्यात आल्याची माहिती अधिकृत सूत्रांनी दिली आहे.

३१ मार्च २०२६ रोजी फिर्यादी महिलेने दिलेल्या तक्रारीनुसार, सायबर फसवणुकीच्या गुन्ह्यात अटक झाल्यानंतर कोर्टाच्या आदेशाने तिला चार दिवसांची पोलीस कोठडी देण्यात आली होती. सायंकाळी लॉकअपमध्ये असताना ड्युटीवर असलेल्या ASI राजेश जाधव यांनी तिच्याशी अश्लील वर्तन करत तिच्या मुलीबाबतही अयोग्य मागणी केली. तसेच शारीरिक संबंधासाठी पैशांचे प्रलोभन दिल्याचा गंभीर आरोप करण्यात आला आहे.

ही बाब समोर येताच तपासी अधिकारी PI अनिल जुमळे यांनी वरिष्ठ अधिकाऱ्यांना माहिती दिली. त्यानंतर तातडीने कारवाई करत आरोपीविरुद्ध सिव्हिल लाईन पोलीस ठाण्यात अप. क्र. ४१८/२०२६ नुसार BNS कलम ७५(१), ७५(२), ७५(३), ३५१(२), ३५१(३) अंतर्गत गुन्हा दाखल करण्यात आला आहे.

कडक कारवाई

पोलीस अधीक्षक अर्चित चांडक यांनी या प्रकरणाची गंभीर दखल घेत, संबंधित ASI ला १ एप्रिल २०२६ पासून शासकीय सेवेतून तात्काळ निलंबित केले आहे. तसेच विभागीय चौकशी सुरू करण्यात आली आहे.

ठळक मुद्दे

• कोठडीत असलेल्या महिलेसोबत गैरवर्तनाचा प्रकार

• ASI राजेश जाधव यांच्यावर फौजदारी गुन्हा दाखल

• BNS अंतर्गत गंभीर कलमांखाली गुन्हा नोंद

• शारीरिक संबंधासाठी पैशांचे प्रलोभन दिल्याचा आरोप

• पोलीस अधीक्षकांकडून तात्काळ निलंबन

• विभागीय चौकशी सुरू, पुढील तपास सिव्हिल लाईन पोलीस करीत आहेत

प्रशासनाचा इशारा

महिलांविषयी गैरवर्तन करणाऱ्या कोणत्याही व्यक्तीवर — मग ती खाजगी असो वा सरकारी — कठोर कारवाई करण्यात येईल, असा स्पष्ट इशारा पोलीस प्रशासनाने दिला आहे.

Akola police news, 

ASI suspended Akola, 

police misconduct case, women harassment police custody, 

Akola crime news 2026, 

BNS case Akola