ठळक मुद्दा
पुढील २ दिवस सतर्क राहा; प्रशासनाकडून नागरिकांना मार्गदर्शक सूचना जारी
अकोला: आजचे तापमान
Minimum temperature 27.5°C
Maximum temperature 45.0°C
भारतीय अलंकार न्यूज 24
नीलिमा शिंगणे जगड
अकोला : जिल्ह्यात येत्या २५ ते २७ एप्रिल दरम्यान उष्णतेची तीव्र लाट (Heat Wave) येण्याची शक्यता व्यक्त करण्यात आली असून नागरिकांनी विशेष दक्षता घ्यावी, असे आवाहन प्रशासनाने केले आहे. नागपूर प्रादेशिक हवामान केंद्राच्या अंदाजानुसार तापमानात मोठी वाढ होणार असून दुपारच्या वेळेत परिस्थिती अधिक गंभीर राहण्याची शक्यता आहे.
उष्णतेच्या वाढत्या तीव्रतेमुळे आरोग्यावर परिणाम होऊ शकतो. त्यामुळे नागरिकांनी आवश्यक ती काळजी घेतली नाही तर ‘हीट स्ट्रोक’चा धोका वाढू शकतो. याच पार्श्वभूमीवर जिल्हा प्रशासनाने काही महत्त्वाच्या सूचना जारी केल्या आहेत.
महत्त्वाच्या सूचना (Guidelines):
दुपारी १२ ते ४ वाजेदरम्यान घराबाहेर पडणे टाळा
कडक उन्हात शारीरिक श्रमाची कामे टाळावीत
शक्यतो वाहने उन्हात चालवणे टाळावे
ज्वलनशील वस्तूं पासून दूर राहा
लहान मुले व पाळीव प्राणी वाहनात ठेवू नयेत
पुरेसे पाणी प्या, तहान नसली तरीही
हलके, सैल आणि फिकट रंगाचे कपडे वापरा
घराबाहेर जाताना डोक्यावर टोपी/रुमाल वापरा
हीट स्ट्रोकची लक्षणे ओळखा:
अशक्तपणा व थकवा
सतत घाम येणे
डोकेदुखी
चक्कर येणे
अशी लक्षणे जाणवल्यास तात्काळ डॉक्टरांचा सल्ला घ्यावा
पशुधन व पाळीव प्राण्यांची काळजी
प्राण्यांना सावलीत/छावणीत ठेवा
पुरेसे स्वच्छ पिण्याचे पाणी द्या
उष्णतेपासून संरक्षणासाठी योग्य व्यवस्था करा
प्रशासनाचे आवाहन
उष्णतेच्या या काळात नागरिकांनी स्वतःची आणि आपल्या कुटुंबाची काळजी घेणे अत्यंत गरजेचे आहे. लहान मुले, वृद्ध आणि आजारी व्यक्तींनी विशेष काळजी घ्यावी, असे प्रशासनाने स्पष्ट केले आहे.
आजचे बाजारभाव
सौजन्य: अकोला कृषि उत्पन्न बाजार समिती
टिप्पण्या
टिप्पणी पोस्ट करा