amc-election-political-news-: 'आप' लढणार स्वबळावर! अकोला मनपाच्या सर्व प्रभागात उमेदवार; दिल्ली व पंजाब मॉडेल अकोल्यात आणून भ्रष्टाचारमुक्त प्रशासनाची ग्वाही

भारतीय अलंकार न्यूज 24

नीलिमा शिंगणे जगड 

अकोला : आगामी अकोला महानगरपालिकेच्या निवडणुकीत आम आदमी पार्टी  सर्वच प्रभागांमध्ये आपले उमेदवार उभे करणार असल्याची माहिती महानगर अध्यक्ष . मसुद अहमद खान यांनी आज पत्रकार परिषदेत दिली. त्यांनी भाजप आणि काँग्रेसच्या साट्यालोट्यामुळे शहरात निर्माण झालेल्या समस्यांवर तीव्र टीका केली आणि दिल्ली-पंजाब मॉडेल अकोल्यात आणून शहराला 'भ्रष्टाचाराच्या अजगरी विळख्यातून' मुक्त करण्याचा मानस व्यक्त केला.

​

​'आप' ने अकोला शहराला खालील मूलभूत सुविधा आणि सुधारणा देण्याची ग्वाही दिली आहे.

​भाजप व काँग्रेसच्या साठगाठामुळे भरमसाठ लावलेले मनपा कर रद्द करणे आणि नवीन कर कमी दरात लागू करणे,  दर्जेदार शिक्षण व्यवस्था, प्रत्येक प्रभागात ओ.पी.डी. हॉस्पिटलची उभारणी. पाणी व स्वच्छता: दररोज शुद्ध पाणीपुरवठा आणि शहराचे सौंदर्यीकरण व नियमित साफसफाई., सुशिक्षित बेरोजगार तरुणांना बिनव्याजी एक लाख रुपयांपर्यंत कर्ज. : स्वच्छ, पारदर्शक आणि भ्रष्टाचारमुक्त प्रशासन. ​इतर सुविधा: प्रत्येक प्रभागात जिम स्थापित करणे व हेल्पलाईन सेंटर उभारणे.

​

​नगर परिषदेच्या काळात स्थापन झालेल्या शाळांची अवस्था आज बकाल झाली आहे. शहरात कचऱ्याचे प्रचंड ढीग साचले आहेत, काही ठिकाणी रस्त्यावर दिवे नाहीत, डुकरांचे व कुत्र्यांचे साम्राज्य पसरले आहे. आरोग्याचा प्रश्न गंभीर झाला आहे आणि मनपात सगळीकडे 'कमिशनर राज' निर्माण झाले आहे. यासाठी फक्त भाजप व काँग्रेस सरकार जबाबदार आहेत. असे मसुद अहमद खान यांनी सांगितले , ​या सर्व बाबींवर उपाय म्हणून आम आदमी पार्टी सत्ता स्थापन झाल्यानंतर काम करणार आहे.

​​दिल्ली व पंजाब मॉडेल अकोल्यात आणून जागतिक दर्जाच्या सोयी-सुविधा, शिक्षण, आरोग्य, वीज, पाणी आणि रस्त्यांची हमी देत, आम आदमी पार्टी अकोला महानगरातील सर्वच प्रभागांत उमेदवार उभे करणार आहे.​इच्छुक उमेदवारांनी  संपर्क साधावा, असे आवाहन पक्षाने केले आहे. इच्छुक उमेदवारांची यादी लवकरच जाहीर करण्यात येणार आहे. ​

पत्रकार परिषदेला महाराष्ट्र राज्याचे उपाध्यक्ष  वसंतराव  ढोके, राज्य कार्यकारिणी सहसचिव अरविंद कांबळे, ज्ञानेश्वर साकरकर, जिल्हाध्यक्ष कैलाश प्रांजळे, प्रा. विजय ठाकरे, गजानन बडकले, प्रा. प्रदीप गवई, आकीब खान, अरुण शेगोकार, श्रावण रंगारी आदी कार्यकर्ते उपस्थित होते.