dance-and-music-program-akl: संस्कार भारती तर्फे गुढीपाडवा निम्मित नृत्य सांगितीक कार्यक्रमाची प्रस्तुती

भारतीय अलंकार न्यूज 24

नीलिमा शिंगणे जगड 

अकोला: गुढीपाडव्याच्या पूर्वसंध्येला अकोला येथील रत्नम् लॉन्स ला नृत्य नाट्य संगीत रांगोळीच्या माध्यमातून संस्कार भारती अकोला महानगर आणि संस्कृती संवर्धन समिती यांच्या संयुक्त विद्यमाने भारतीय संस्कृती सभ्यता याला धरून नृत्य सांगितीक कार्यक्रमाची प्रस्तुती करण्यात आली 

कार्यक्रमाचे प्रमुख अतिथी डॉक्टर दीपक मोरे होते. कार्यक्रमाला संघाचे प्रमुख नरेंद्र देशपांडे, डॉक्टर विनायक देशमुख, डॉ.गजानन नारे, अनिता गोयंका, नेहा खंडेलवाल, माजी नगरसेवक आशिष पवित्रकार, डॉक्टर पार्थसारथी शुक्ल, प्रा. नितीन बाठे, अरविंद  देठे उपस्थित होते.  

कार्यक्रमात घननीळ पाटील, मदन खुणे, राजेश्वरी देशपांडे, तनुश्री भालेराव, ऋजुता रानडे, शिवम शर्मा, अनिकेत आंबुसकर यांनी गीत गायन केले.

कत्थक नृत्यांगना राधिका साठे, अमृता जटाळे जोशी, तृप्ती बोंते  यांच्या विद्यार्थिनींनी नृत्य सादर केले. प्रवेशद्वारावर पुण्यश्लोक अहिल्याबाई होळकर यांची रांगोळी भाऊलाल देवतवाल आणि त्यांच्या सहकाऱ्यांनी  काढली. 

अकोला महानगर अध्यक्ष डॉक्टर आर बी हेडा, जिल्हा अध्यक्ष चंदा जयस्वाल, मातृशक्ती प्रांत प्रमुख आशा खोकले, जिल्हाप्रमुख निनाद कुलकर्णी, अकोला महानगर मंत्री महेश मोडक, कोषाध्यक्ष श्री बच्चे, कार्याध्यक्ष डॉक्टर वासंती थोते, अविनाश परळीकर यांच्या संकल्पनेतून हा सुंदर देखणा कार्यक्रम साकार झाला.  

कार्यक्रमाचे  सूत्रसंचालन डॉक्टर प्रा. स्वाती दामोदरे यांनी केले.  प्रकाश बोरकर यांनी आभार प्रदर्शन केले.