akola-old-city-crime-pocsoa: अकोला पुन्हा हादरलं; अल्पवयीन मुलीवर सामुहिक अत्याचार, मैत्रिणीनेच केला मैत्रिणीचा विश्वासघात, आरोपी युवतीला अटक, तिघे फरार

भारतीय अलंकार न्यूज 24

नीलिमा शिंगणे जगड 

अकोला: एका अल्पवयीन मुलीवर सामुहिक अत्याचार झाल्याची घटना अकोला शहरातील जुने शहर पोलीस ठाणे हद्दीत घडली असल्याचे उघडकीस आले आहे. या प्रकरणात मैत्रिणीनेच मैत्रिणीचा विश्वासघात करून अनैतिक व्यवसायात ढकलण्याचा प्रयत्न केल्याचं समोर येत आहे.

अल्पवयीन पिडीत मुलगी ही दहावीच्या शिक्षणासाठी अकोल्यात वास्तव्यास आहे. यादरम्यान तिची मैत्री आरोपी युवती सोबत झाली, आणि आरोपी युवतीने पीडित मुलीची मैत्री आपल्या तीन मित्रांसोबत करून दिली. पीडित मुलीचा वाढदिवस साजरा करण्यासाठी तिला एका ठिकाणी बोलविण्यात आलं. यानंतर या आरोपींनी शीतपेयच्या नावाने पीडितेला गुंगीचे येण्याचे पेय पाजण्यात आले. त्यानंतर दोन आरोपींनी तिच्यावर सामुहिक अतिप्रसंग केला. आरोपी युवती आणि तिच्या साथीदाराने याची चित्रफीत तयार केली. या गोष्टीची वाचा कुठं फोडल्यास हा व्हिडिओ व्हायरल करणार, अशी धमकी पीडितेला दिली. यांनतर पीडित मुलीला आरोपींनी वारंवार फोन करून अनैतिक व्यवसायात ढकलण्याचा प्रयत्न सुरू केला. मात्र मुलीने हा प्रयत्न धुडकाडवून लावला.

दरम्यान, काल बुधवारी पीडित मुलीने जुने शहर पोलीस ठाणे गाठून, पोलिसांना आपबिति सांगितली. मुलीने दिलेल्या तक्रारीवरून जुने शहर पोलिसांनी या प्रकरणातील आरोपी लल्ला इंगळे, बंटी सटवाले, एक युवती आणि चिक्की नावाचा आणखी एक अश्या चारही आरोपी विरुद्ध पोस्को सह विविध कायद्याच्या कलमान्वये गुन्हे दाखल केले. 

पोलिसांनी यातील आरोपी युवतीला अटक केली आहे. तर फरार तिन्ही आरोपींचा शोध पोलीस घेत आहे. अटकेतील आरोपीला आज न्यायालयासमोर हजर केले असता पाच दिवस पोलीस कोठडीत ठेवण्याचा आदेश न्यायालयाने दिला असल्याची माहिती जुने शहर पोलीस ठाण्याचे ठाणेदार नितीन लेव्हरकर यांनी दिली.