accident-samruddhi-highway: समृध्दी महामार्गावर अपघाताचे सत्र सुरूच; उभ्या ट्रकला कारची धडक, तीन ठार

भारतीय अलंकार न्यूज 24

वाशिम : समृध्दी महामार्गावर आज सकाळी पुन्हा एक अपघात घडला. ट्रक व कारचा मध्ये झालेल्या या अपघातात तीन ठार झाले. 

समृद्धी महामार्गावरील मालेगाव तालुक्यातील रिधोरा इंटर चेंज 239 लोकेशन जवळ होंडाई क्रेटा कार संभाजीनगर वरून अमरावती कडे जात असताना चालकाचे गाडीवरील नियंत्रण सुटले. यातच समोर उभ्या असलेल्या ट्रकवर कार धडकली.

समृद्धी महा मार्गावरील मालेगाव तालुक्यातील रिधोरा इंटर चेंज जवळ होंडाई क्रेटा कार एम.एच. 27 बी.व्ही 2739 संभाजीनगर वरून अमरावतीकडे जात असताना चालकाचे गाडीवरील नियंत्रण सुटले. कार उभ्या असलेल्या ट्रक क्रमांक एम एच 15 जे सी 9695 वर धडकली. धडक एवढी जोरदार होती की कार मधील दोघे जागीच ठार झाले तर एकाचा उपचारादरम्यान मृत्यू झाला. ही घटना आज सकाळी घडली.

प्राप्त माहिती नुसार ट्रक क्र. एम एच 15 जे सी 9695 समृद्धी महामार्गवरील रिधोरा इंटर चेंज जवळ रस्त्याच्या कडेला उभा होता. मागील दिशेने येणारी अमरावती कडे जात असलेल्या हुंडाई कार चालकाचे नियंत्रण सुटल्याने उभ्या ट्रकला मागून धडकली. अपघात एवढा भीषण होता की कारचा अर्धा भाग ट्रक च्या मागील भागात घुसला होता.

सुत्रांनी दिलेल्या माहितीनुसार, कार मधील सादल काजी, आलम हुसेन (कर अधिकारी) हे कार मध्येच मयत झाले तर आरिफ खान गंभीर जखमी झाले होते. त्यांना वैद्यकीय उपचाराकरीता रुग्णवाहिकेच्या मदतीने मालेगाव ग्रामीण रुग्णालय येथे दखल केले असता, डॉक्टरांनी त्यांना मृत घोषित केले. तिघेही मयत हे अमरावती येथील रहिवासी असल्याचे कळते.

घटनेची माहिती मिळताच ए.पी.आय. दांदळे, पीएसआय मोरे व मालेगाव पोलीस स्टेशचे अधिकारी कर्मचारी, रुग्णवाहीका तात्काळ घटनास्थळी दाखल होवून, पुढील प्रक्रिया सुरू केली.