Literature and culture: महाराष्ट्र राज्य साहित्य आणि संस्कृती मंडळाच्या अध्यक्षपदी सदानंद मोरे; अकोल्याचे पुष्पराज गावंडे यांची सदस्यपदी नेमणूक

*अखिल भारतीय वऱ्हाडी साहित्य मंच अकोलाचे मार्गदर्शक व सल्लागार युवा कादंबरीकार पुष्पराज गावंडे यांची  सदस्यपदी नेमणूक 

मुंबई, दि. २७ : महाराष्ट्र राज्य साहित्य आणि संस्कृती मंडळावर ज्येष्ठ साहित्यिक सदानंद मोरे यांची अध्यक्ष म्हणून नियुक्ती करण्यात आली आहे. याशिवाय साहित्य क्षेत्रातील महत्त्वपूर्ण योगदान देणाऱ्या 29 सदस्यांची पुढ़ील तीन वर्षाच्या कालावधीसाठी किंवा शासनाचे पुढील आदेश होईपर्यंत नियुक्ती करण्यात आली आहे. सर्व नियुक्त सदस्यांचे मराठी भाषामंत्री सुभाष देसाई यांनी अभिनंदन केले आहे.

महाराष्ट्र राज्य साहित्य आणि संस्कृती मंडळाची पुनर्रचना करण्याचा प्रस्ताव शासनाच्या विचाराधीन होता. यासंदर्भातील घोषणा मराठी भाषा विभागाने एका शासन निर्णयान्वये केली आहे.

नियुक्त करण्यात आलेल्या सदस्यांची नावे 

सदानंद मोरे - अध्यक्ष, डॉ. प्रज्ञा दया पवार, अरुण शेवते, डॉ.रणधीर शिंदे, श्रीमती निरजा, प्रेमानंद गज्वी, डॉ. नागनाथ कोतापल्ले,  प्रवीण बांदेकर,  मोनिका गजेंद्र गडकर, भारत सासणे,  फ.मु.शिंदे, डॉ.रामचंद्र देखणे, डॉ.रवींद्र शोभणे,  योगेंद्र ठाकूर,  प्रसाद कुलकर्णी,  प्रकाश खांडगे, प्रा. एल.बी.पाटील, पुष्पराज गावंडे , विलास सिंदगीकर, प्रा. प्रदीप यशवंत पाटील, डॉ. आनंद पाटील, प्रा. शामराव पाटील,  दिनेश आवटी, धनंजय गुडसुरकर,  नवनाथ गोरे, श्री. रवींद्र बेडकीहाळ, प्रा. रंगनाथ पठारे, श्री. उत्तम कांबळे, श्री. विनोद शिरसाठ, डॉ. संतोष खेडलेकर यांचा समावेश आहे.