भारतीय अलंकार24
मुंबई: आरोग्य विभागातील रिक्त पदांसाठी राज्यभर परीक्षा होत असून, परीक्षार्थ्यांना ऑनलाइन उत्तरे सोडवून देण्यास मदत करणाऱ्या रॅकेटचा औरंगाबादेत पोलिसांनी भंडाफोड केला आहे. विशेष डिव्हाइस वापरून हे रॅकेट परीक्षार्थींना उत्तरे सोडवून दिली जात होती.सदर परीक्षा रद्द करून पेपर लिक करणारे आणि या कटातील सूत्रधारला अटक करा तसेच परीक्षा रद्द करून परीक्षार्थींना खर्च परत करा अशी मागणी वंचित बहुजन आघाडीचे प्रदेश प्रवक्ता आणि प्रदेश युवा महासचिव राजेंद्र पातोडे यांनी केली आहे.
राज्यातील अनेक जिल्ह्यात लॉकडाउन असताना महाराष्ट्रभर विविध परीक्षा केंद्रावर ही पदभरती परीक्षा घेतली जात आहे. या परीक्षा मधील घोटाळा उघडकीस आला आहे.
औरंगाबाद मध्ये परिक्षेदरम्यान गेवराई येथील परीक्षा केंद्रावर डमी उमेदवार परीक्षा देत असल्याने चिकलठाणा पोलिसांनी गेवराईच्या परीक्षा केंद्रावर डमी उमेदवाराला पकडले. त्याच्याकडून मिळालेल्या माहितीच्या आधारे पोलिसांनी खोकडपुऱ्यातील एका अभ्यासिकेवर धाड टाकुन ऑनलाइन पद्धतीने परीक्षार्थ्यांना उत्तरे सांगणाऱ्या रॅकेटचा पर्दाफाश केला आहे. पोलिसांनी दोन तरूणांना अटक केली आहे.
गेवराईतील डमी उमेदवाराच्या माहितीनुसार पोलिसांनी खोकडपुऱ्यातील गजाजन अभ्यासिकेवर धाड टाकली. अभ्यासिकेला बाहेरून कुलूप लावलेले होते. मात्र आतमध्ये १० ते १५ जण परीक्षार्थ्यांना ऑनलाइन पद्धतीने उत्तरे सांगत होते. पोलिस आल्याची माहिती मिळताच या तरूणांनी इमारतीवरून उड्या टाकून पोबारा केला. पोलिसांना या ठिकाणी प्रश्नपत्रिकेच्या झेरॉक्स प्रती, पुस्तके सापडल्याची माहिती मिळाली आहे.
उत्तरपत्रिकेच्या झेरॉक्स प्रती कोठून आल्या? आरोग्य विभागातील कर्मचाऱ्यांचा या रॅकेटमध्ये हात आहे का? असे अनेक प्रश्न या निमित्ताने उपस्थित झाले आहेत.त्याची उकल होणे गरजेचे असून तात्काळ प्रभावाने ह्या परीक्षा रद्द करण्यात यावी.परीक्षेत सहभागी झालेल्या सर्व उमेदवारांना त्याचा झालेला खर्च शासनाने द्यावा, तसेच ह्या रॅकेटचे सुत्रधार आणि कर्ते करविते यांना तात्काळ अटक करावी, अशी मागणी देखील वंचितने केली आहे.
टिप्पण्या
टिप्पणी पोस्ट करा